маориф
ТАҲСИЛОТИ ФОСИЛАВИИ ТИББӢ. ЯЪНЕ ЧӢ?
Таҳсилоти фосилавӣ – ин таълим (омӯзиш) бе тамоси мустақим бо омӯзгор мебошад. Таҳсилоти фосилавӣ дар тиб низ нақши муҳимро мебозад.
Ҷиҳати муҳимтарини таҳсилоти фосилавӣ такмили дониши мутахассисони соҳа бе сафар намудан ба муассисаҳои марказӣ мебошад. Имкониятҳои интернет бо пайваст намудани матн ва овоз (имкониятҳои мултимедӣ) ба таҳсилоти тиббӣ шаклҳои навро ворид сохтааст. Маводҳои лексиониро дар интернет метавонанд айёниятҳо бо намуди объектҳои ҳаракаткунанда ва овоз ҳамроҳӣ намоянд.
Корҳо ҷиҳати таҳияи барномаҳо роҷеъ ба ворид намудани воқеияти имконпазир (виртуалӣ) идома доранд. Ин амалро ҳангоми гузарондани амалиёти ҷарроҳии мураккабтарин мушоҳида менамоем.
Телетиб - (телемедетсина) ин маҷмӯи усулҳои муосири муолиҷавӣ - ташхисотӣ мебошад, ки идоракунии фосилагии иттилоотӣ - тиббиро пешбинӣ менамояд. Ба ин таҳсилоти фосилавии тиббӣ низ дохил мешавад.
Ҳадафи асосии телемедитсина хизматрасонии гурӯҳҳои аҳолие мебошад, ки аз марказҳои тиббӣ дур ҷойгир шудаанд, ё ба хадамоти тиббӣ дастрасии маҳдуд доранд, мисол, сокинони деҳотӣ дурдаст. Ҷиҳати дигари муҳими он, барқарорсозии алоқаи байни табиб ва духтури ташхисгар, ки дар дигар муассисаи муолиҷавӣ қарор дорад, мебошад. Самти муҳими телемедитсина маслиҳатдиҳии таъҷилӣ аз ҷониби марказҳои калонтарини тиббӣ барои наҷот додани бемор, ё муайян намудани тарзи муолиҷа мебошад.
Шуҳрат ТИЛЛОЕВ,
омӯзгори коллеҷи тиббии шаҳри Қӯрғонтеппа
Баёни ақида (0) Санаи нашр: 11.07.2016 №: 134 Мутолиа карданд: 4318
