маориф
ҲИСОБОТИ ХАТТӢ.
ТАЛАБОТИ НАВ БАРОИ ТАҶРИБАОМӮЗОН
Вазорати маориф ва илм дар посух ба мақолаи «Таҷрибаомӯзӣ. Чаро ба он муносибат ҷиддӣ нест?», ки дар шумораи № 77 – и «Ҷумҳурият» нашр шудааст, иттилоъ медиҳад, ки тибқи стандарти давлатӣ ва нақшаи раванди таълим дар зинаи таҳсилоти олии касбӣ таҷрибаомӯзӣ як қисми асосии ҷараёни таълим ба шумор рафта, дар тамоми муассисаҳои таълимӣ сафарбар намудани донишҷӯён ба таҷрибаомӯзӣ ба роҳ монда шудааст.
Бо вуҷуди ин, ба раёсати муассисаҳои таҳсилоти олии касбӣ супориш дода шуд, ки гузарондани таҷрибаомӯзии донишҷӯёнро тибқи нақшаҳои таълимии тасдиқгардида ва талаботи банди 31 Низомномаи таҷрибаомӯзӣ ба роҳ монад.
Тибқи тартиби иҷрои талаботи барномаи таҷрибаомӯзӣ баъди анҷоми таҷрибаомӯзӣ донишҷӯён аз натиҷаи корҳои ба анҷомрасондаашон ба кафедраҳои тахассусӣ ҳисоботи хаттӣ бояд пешниҳод намоянд ва ҳар як роҳбари гурӯҳ нисбат ба фаъолияти таҷрибаомӯзии шогирдон ҳисобот ва дар рӯзномаҳояшон тақриз нависад.
Садорати факултетҳои донишгоҳҳо вазифадор карда шуданд, ки маҷлисҳои кушодашавӣ ва ҷамъбастии таҷрибаомӯзиро зери назорати ҷиддӣ қарор дода, дар маҷлисҳо омӯзгорони пуртаҷриба ва роҳбарони таҷрибаомӯзӣ баромад намоянд. Рафти таҷрибомӯзӣ дар онҳо эълон шуда роҳбарони гурӯҳҳо, нишонии макони таҷрибаомӯзиро муайян намоянд ва суратҷаласа (протокол) тартиб дода, ба раёсати донишгоҳ маълумотнома пешниҳод намоянд.
Раёсати таҳсилоти олии касбӣ ва баъдидипломии
Вазорати маориф ва илми Ҷумҳурии Тоҷикистон
Баёни ақида (0) Санаи нашр: 18.07.2016 №: 138 Мутолиа карданд: 5029
