Мактаби № 7 дар ноҳияи Данғара ва литсейи саноати касбии шаҳри Сарбанд - 2 муассисаи аввалини дони-шомӯзии Ҷаноби Олӣ будааст. Ба ин муносибат бо чанд тан аз донишҷӯён бо роҳбарии устод Абдулваҳҳоб Оқилзода, омӯзгори коллеҷи фарҳанги ҷумҳуриявии ба номи П. Бӯйдоқов, аз осорхонаҳои мактабии Президент дидан намудем. Воқеан, боиси ифтихор аст, ки Президенти азизи мо дар як давраи воқеан ҳам мушкил дар ин муассисаҳо таҳсили илм кардааст. Ҳар як мизу курсии мактаби № 7 то ҳол ҳамчун нишоне аз давраҳои мактабии Сарвари давлат боқист. Месазад, ки ҳар як толибилм дар фурсати барояш муносиб аз ин мактаб дидан кунад. Дар гимназияи ҷумҳуриявӣ аксҳои гуногуне сар аз давраи хизмати аскарӣ то расидан ба маснади президентии Ҷаноби Олиро дидем. Аз ин сафар ба худ хело захираи маънавӣ бардоштем, ки ҳам арзанда аст.