маориф
ТАЪСИСИ ФОНДИ "ХАЙРИЯ" БАРОИ ДОНИШҶӮЁН
Бо ибтикори Вазорати маориф ва илм аз ҷониби ҶДММ «Хуаксин Ғаюр Семент» барои донишҷӯёни аълохон, ятимон ва фарзандони оилаҳои камбизоати муассисаҳои таҳсилоти олии касбии кишвар ба маблағи 1 миллион сомонӣ фонди «Хайрия» таъсис ёфт.
Ҳар сол аз ҳисоби фонд ба сад нафар донишҷӯ дар ҳаҷми 2 000 - сомонӣ барои ҳар як нафар идрорпулӣ дода мешавад.
Тибқи иттилои Вазорати маориф ва илм, 15 декабр аввалин маросими супурдани стипендияи «Дӯстӣ»-и фонди «Хайрия»-и ҶДММ «Хуаксин Ғаюр Семент» дар соли 2016 баргузор гардид, ки 100 нафар донишҷӯи 17 муассисаи таҳсилоти олии касбии шаҳри Душанбе соҳиби идрорпулӣ гаштанд.
Бояд гуфт, ки ин иқдом ба хотири дастгирии молиявии донишҷӯён ба роҳ монда шудааст.
Раҳматулло КАРИМОВ, «Ҷумҳурият»
Баёни ақида (0) Санаи нашр: 16.12.2016 №: 247 Мутолиа карданд: 6490
