қонунҳои ҶТ
ҚОНУНИ ҶУМҲУРИИ ТОҶИКИСТОН
ОИД БА ВОРИД НАМУДАНИ ТАҒЙИРУ ИЛОВАҲО БА ҚОНУНИ ҶУМҲУРИИ ТОҶИКИСТОН "ДАР БОРАИ НАЗОРАТИ СОДИРОТ"
Моддаи 1. Ба Қонуни Ҷумҳурии Тоҷикистон аз 31 декабри соли 2014 «Дар бораи назорати содирот» (Ахбори Маҷлиси Олии Ҷумҳурии Тоҷикистон, с. 2014, № 12, мод. 822) тағйиру иловаҳои зерин ворид карда шаванд:
1. Номи Қонун бо ҳарфҳои калон навишта шавад.
2. Дар моддаи 1:
- ба сархати дуюм пас аз калимаи «террористӣ» калимаҳои «ва тахрибкорӣ (диверсия) ё ҷиноятҳои дигар» илова карда шаванд;
- дар сархати шашум калимаҳои «шаҳрвандони Ҷумҳурии Тоҷикистон ё шаҳрвандони хориҷӣ» ба калимаҳои «шахсони воқеӣ» иваз карда шаванд.
3. Аз матни моддаи 2 калимаи «(Сарқонуни)» хориҷ карда шавад.
4. Дар сархати дуюми моддаи 3 калимаҳои «амалӣ намудани талаботи» ба калимаи «иҷрои» иваз карда шаванд.
5. Дар сархатҳои сеюм ва ҳафтуми моддаи 6 калимаҳои «номгӯи» ва «ваколатҳоро» мувофиқан ба калимаҳои «Номгӯи» ва «салоҳиятро» иваз карда шаванд.
6. Дар моддаи 7:
- дар сархати дуюм калимаҳои «ташкилоти» ва «номгӯи» мувофиқан ба калимаҳои «ташкилотҳои» ва «Номгӯи» иваз карда шаванд;
- дар сархати сеюм калимаҳои «фаъолияти иқтисодии хориҷӣ» ба калимаи «фаъолият» иваз карда шаванд.
7. Дар қисми 2 моддаи 12 калимаҳои «фаъолияти иқтисодии хориҷӣ» ба калимаи «фаъолият» иваз карда шаванд.
8. Дар қисми 3 моддаи 14 калимаи «салоҳияти» ба калимаи «ваколатҳои» иваз карда шавад.
9. Аз моддаи 15 калимаи «алоҳидаи» хориҷ карда шавад.
Моддаи 2. Қонуни мазкур пас аз интишори расмӣ мавриди амал қарор дода шавад.
Президенти
Ҷумҳурии Тоҷикистон Эмомалӣ РАҲМОН
ш. Душанбе, 24 феврали соли 2017, № 1392
Қарори Маҷлиси намояндагони
Маҷлиси Олии Ҷумҳурии Тоҷикистон
Дар бораи қабул кардани Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи назорати содирот»
Мутобиқи моддаи 60 Конститутсияи Ҷумҳурии Тоҷикистон Маҷлиси намояндагони Маҷлиси Олии Ҷумҳурии Тоҷикистон қарор мекунад:
Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи назорати содирот» қабул карда шавад.
Раиси Маҷлиси намояндагони
Маҷлиси Олии Ҷумҳурии Тоҷикистон Ш. ЗУҲУРОВ
ш. Душанбе, 1 декабри соли 2016, № 638
Қарори Маҷлиси миллии
Маҷлиси Олии Ҷумҳурии Тоҷикистон
Дар бораи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи назорати содирот»
Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи назорати содирот» - ро баррасӣ намуда, қарор мекунад:
Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи назорати содирот» ҷонибдорӣ карда шавад.
Раиси Маҷлиси миллии
Маҷлиси Олии Ҷумҳурии Тоҷикистон М. УБАЙДУЛЛОЕВ
ш. Душанбе, 16 феврали соли 2017, № 332
Баёни ақида (0) Санаи нашр: 01.03.2017 №: 46-47 Мутолиа карданд: 2163
