ҳуқуқ
ҶИНОЯТ ва ҶАЗО
Харидуфурӯши тифли навзод
Зани 35 – сола, сокини ноҳияи Дӯстӣ рӯзи 31-уми марти соли 2017 дар таваллудхонаи ноҳияи мазкур духтарчаеро ба дунё овард ва ба ӯ ном гузошта, ҳамчунин, шаҳодатнома дар бораи таваллуд гирифтааст. Сипас, бо маслиҳати марду зане кӯдаки навзодашро ба марди 27 - солаи сокини ноҳия ба маблағи 6 ҳазор сомонӣ фурӯхтааст.
Аз рӯи далели мазкур парвандаи ҷиноятӣ оғоз гардида, тафтишот идома дорад.
Азхудкунии амволи корхона
Аз ҷониби кормандони милитсия сокини шаҳри Ваҳдат бо гумони азонихудкунӣ дастгир шуд.
Гумонбаршуда, аз моҳи феврали соли 2014 то моҳи феврали соли 2017 дар вазифаи мудири анбори корхонаи нафтие дар ҳудуди шаҳри Душанбе кору фаъолият карда, бо маслиҳати пешакӣ бо мудири нуқтаи фурӯши сӯзишвории корхона, сокини ноҳияи Рӯдакӣ аз анбори корхонаи мазкур 161 ҳазору 424 литр сӯзишвории бензин ва 18 ҳазору 675 литр сӯзишвории дизелиро ба маблағи умумии 695783 сомонӣ азони худ намудаанд.
Нисбати далели мазкур парвандаи ҷиноятӣ оғоз шуд.
Баёни ақида (0) Санаи нашр: 14.04.2017 №: 77 Мутолиа карданд: 1094
