маориф
ДОНИШГОҲИ ДАВЛАТИИ КӮЛОБ СОҲИБИ СЕРТИФИКАТИ БАЙНАЛМИЛАЛИИ СИФАТИ АВРУПО ГАШТ
Донишгоҳи давлатии Кӯлоб ба номи Абуабдуллоҳи Рӯдакӣ фаъолияти хешро дар самти татбиқи сиёсати Ҳукумати Ҷумҳурии Тоҷикистон дар соҳаи маориф барои беҳтаршавии сифати таълим дар муассисаҳои таҳсилоти олии касбӣ ва боло бурдани сатҳу сифати корҳои илмӣ-тадқиқотӣ, тарбияи ҷавонон дар рӯҳияи ватандӯстию хештаншиносӣ ва ифтихори миллӣ равона месозад.
Он куҳантарин муассисаи олӣ дар минтақаи Кӯлоби вилояти Хатлон ба ҳисоб рафта, дар омода кардани ҳазорон мутахассисони соҳаҳои гуногуни хоҷагии халқ саҳми арзанда гузоштааст. Айни ҳол дар ин боргоҳи илму маърифат зиёда аз 10 ҳазор донишҷӯ таҳсили илм менамояд.
Боиси ифтихор аст, ки чанде пеш бо қарори Ташкилоти байналмилалии сертификати сифати аврупоии Институти швейтсариягӣ (Донишгоҳи Оксфорди Британияи Кабир) Донишгоҳи давлатии Кӯлоб ба номи Абуабдуллоҳи Рӯдакӣ соҳиби Литсензия ва Сертификати байналмилалии сифати Аврупо гардид (муҳлати эътиборнокии он аз 30. 08. 2017 то 30. 08. 2018).
Сазовори Литсензия ва Сертификати байналмилалии сифати Аврупо шудани Донишгоҳи давлатии Кӯлоб ба номи Абуабдуллоҳи Рӯдакӣ далели рӯшани боз ҳам баланд гаштани обрӯи Ватани азизамон дар арсаи байналмилалӣ мебошад.
Баёни ақида (0) Санаи нашр: 20.11.2017 №: 236-237 Мутолиа карданд: 1681
