туризм
САЙЁҲӢ. НАХУСТИН МАРКАЗИ МУОСИРИ ИТТИЛООТӢ ИФТИТОҲ ЁФТ
Дар Кумитаи рушди сайёҳӣ ҷиҳати тарғибу ташвиқ ва муаррифии бештари таъриху фарҳанги миллӣ, иқтидори сайёҳии кишвар ва пешниҳоди маълумоти гуногуни соҳавӣ маркази муосири иттилоотии сайёҳӣ таъсис ёфт.
Он бо технологияи иттилоотии муосир ҷиҳозонида шуда, ба шабакаи Интернет пайваст мебошад. Дар марказ тамоми иттилооти зарурӣ оид ба имкониятҳои сайёҳии кишвар, харитаи хатсайрҳо, таъриху фарҳанг ва анъанаҳои миллӣ, ширкатҳо, осоишгоҳу табобатгоҳҳо, истироҳатгоҳу меҳмонхонаҳо, иқлим, ҳунарҳои дастиву армуғон ва ғайра фароҳам оварда шуда, хоҳишмандон метавонанд маълумоти дуруст ва саҳеҳро дастрас намоянд.
Таъсиси маркази иттилоотиву машваратӣ дар рӯзҳои аввали Соли рушди сайёҳӣ ва ҳунарҳои мардумӣ эълон гардидани соли 2018 фоли нек буда, барои пешрафти соҳа заминаи мусоид фароҳам меорад.
Ш. ҚУРБОН, «Ҷумҳурият»
Баёни ақида (0) Санаи нашр: 10.01.2018 №: 10 Мутолиа карданд: 1208
