маориф
ДАСТРАСӢ БА ТАҲСИЛОТ. ДАСТУРҲОИ ПЕШВОИ МИЛЛАТ ДАР АМАЛ
Дар Паёми Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ масъалаҳои ҳаётан муҳим баррасӣ шуданд. Президенти мамлакат оид ба соҳаҳои сайёҳӣ ва фарҳанги миллӣ, илму маорифу тандурустӣ низ таваҷҷуҳ зоҳир намуда, ба масъулони соҳаҳо дастуру ҳидоятҳо доданд. Аз ҷумла, қайд гардид, ки «Ҳукумат барои беҳтар гардидани вазъ дар самтҳои мазкур барномаҳои давлатӣ ва тадбирҳои иловагиро амалӣ карда, дар ду соли охир ба дастовардҳои назаррас соҳиб гардидааст. Махсусан, мо дар соҳаи илму маориф иқдомоти ҷиддиро роҳандозӣ карда, ислоҳот ва навсозиро босуръат пеш бурда истодаем».
Сарвари давлат ҳар сол дар Паёмашон масъалаҳои соҳаи маорифро баррасӣ намуда, ба Ҳукумати Ҷумҳурии Тоҷикистон, Вазорати маориф ва илм, дигар сохторҳои марбута дар самти беҳбудии вазъи таълиму тарбия дар муассисаҳои таҳсилоти миёнаву олӣ ва кӯдакистонҳо супоришу дастурҳои дақиқ медиҳанд.
Мо, омӯзгорон, низ саъю талош менамоем, ки сифати таълиму тарбия беҳтар гашта, хонандагон донишманду мутахассиси хуб шуда, дар оянда ба Ватану миллати хеш содиқона хазмат намоянд. Барои ба ҳадафҳои дарпешистода ноил гаштан, бояд на танҳо омӯзгорон, балки падару модарон ва аҳли ҷомеа бетарафӣ зоҳир накарда, ҳама якҷо саъю талош варзем. Ҳамчунин, ҳамкории муассисаҳои таҳсилоти миёнаи умумӣ ва олии касбӣ бо ташкилоту муассисаҳо ва вазорату идораҳо густариш ёбанду мо тавонем дар оянда мутахассисони хубу варзида тайёр карда, барои пешрафти кишвар сафарбар намоем.
Агар мо дастуру ҳидоятҳои Пешвои миллатро, ки аз Паёми навбатӣ ба Маҷлиси Олӣ бармеоянд дар амал татбиқ намоем, оянда дар соҳаи маориф ба натиҷаҳои боз ҳам бештар ноил хоҳем гашт.
Муборак АБДУРАҲМОНОВА,
омӯзгори МТМУ № 101,
ноҳияи Синои шаҳри Душанбе
Баёни ақида (0) Санаи нашр: 07.02.2018 №: 49 Мутолиа карданд: 1153
