маориф
"ВАРЗОБ, ЧАНД МУШКИЛИ ЯК МАКТАБ"
Мақомоти иҷроияи маҳаллии ҳокимияти давлатии ноҳияи Варзоб бо ин ном мақолаи танқидиеро, ки дар рӯзномаи «Ҷумҳурият» 3 – юми апрели соли 2018 интишор гардидааст, мавриди баррасӣ ва чораҷӯӣ қарор дод.
Дар ин асос, гурӯҳи корӣ таъсис дода шуда, 10 апрели соли 2018 бо сокинон ва омӯзгорони муассисаи таҳсилоти миёнаи умумии № 43 - и деҳаи Кӯлиҳавоии Ҷамоати деҳоти Чорбоғ вохӯрӣ доир гардид.
Ноҳияи Варзоб минтақаи кӯҳсор буда, дар ҳақиқат, муассисаи таълимии мазкур дар байни дара мавҷуд мебошад ва ҳар сол мисли дигар мавзеъҳои ноҳия аз гирду атрофи муассиса сел меояд. Аммо ҷиҳати бартараф намудани оқибатҳои офатҳои табиӣ аз ҷониби масъулон чораҳои саривақтӣ дида мешаванд. Далели он, ки гӯё хонандагони деҳа дар вагон мехонда бошанд, асоси воқеӣ надорад.
Барои бунёди бинои муассисаи таҳсилоти миёнаи умумии № 43 дар қисмати болоии деҳа замин ҷудо гардида, тибқи нақшаи мақомоти иҷроияи маҳаллии ҳокимияти давлатии ноҳияи Варзоб корҳои сохтмонӣ аввалҳои соли 2019 оғоз меёбанд. Барои ҷалби соҳибкорони ватанӣ аз ҷониби масъулини соҳа ва кумитаи маҳал тадбирҳои мушаххас андешида шуда истодаанд.
М. ШЕРАЛИЗОДА,
раиси ноҳияи Варзоб
Баёни ақида (0) Санаи нашр: 18.05.2018 №: 98 Мутолиа карданд: 1301
