маориф
ТАВАҶҶУҲ МЕАФЗОЯД
(Ҷавоб ба мақолаи «Таҳсилоти иловагӣ. Бурдҳо ва бохтҳо»-и Меҳрангез Қодирова, «Ҷумҳурият», 2 январи соли 2018)
Мақолаи рўзномаи «Ҷумҳурият» дар мавриди муассисаҳои таҳсилоти иловагӣ саривақтӣ буда, дар он дастовард, мушкилоти ин муассисаҳо ҳамчун падидаи навини даврони истиқлолият дар соҳаи маориф мавриди баррасӣ қарор гирифтааст. Масъулони соҳа: директори маркази ҷумҳуриявии муассисаҳои таҳсилоти иловагӣ Умед Сафаров, мудири шуъбаи кишваршиносии марказ Шаҳриёр Назаров оид ба маҳфилҳои марказҳои ҷумҳуриявӣ, ноҳиявӣ, дастоварду мушкилоти он ва роҳҳои ҳалли онҳо маълумоти муфассал пешниҳод кардаанд, ки дар рўзнома ба нашр расидааст. Муҳимтарин вазифаи мактаб ва ҷомеа дар шароити нави таърихӣ аз он иборат аст, ки шогирдонро дар рўҳияи хештаншиносӣ ва ифтихори миллӣ, дарки равшани арзишҳои умумимиллӣ, осори ниёгон ва умумибашарӣ тарбия намоянд.
Чи тавре ки зикр шудааст, барои инкишофи фаъолияти ҷамъиятию сиёсии хонандагону ҷавонон, аз худ кардани малакаҳои амалии корҳои тадқиқотӣ - ҷустуҷўӣ ва сайёҳӣ - кишваршиносӣ мақоми осорхонаҳои мактабӣ хеле назаррас аст. Муассисаи давлатии “Маркази ҷумҳуриявии муассисаҳои таҳсилоти иловагӣ” баҳри ҷоннок намудани фаъолияти осорхонаҳои мактабӣ як қатор корҳои судманд меандешад. Аз ҷумла, нимсолаи дуюми соли 2017 Низомномаи намунавии осорхонаи муассисаи таҳсилоти умумӣ ва Низомнома оид ба таҳияи шиносномаҳои осорхонаҳои мактабӣ таҳия гардида, барои баррасӣ ва тасдиқ ба Вазорати маориф ва илм пешниҳод шуд. Таъкид бояд кард, ки фаъолияти осорхонаҳо дар Шўрои омўзгории марказ ҳар сари вақт мавриди баррасӣ қарор дода мешавад. Ташкили осорхонаҳои мактабӣ ба инкишофи корҳои сайёҳӣ - кишваршиносӣ алоқаманд аст. Дар заминаи муассисаҳои таҳсилоти иловагӣ чун анъана озмуни “Беҳтарин осорхонаи мактабӣ” ташкил ва гузаронда мешавад.
Маркази матбуоти Вазорати маориф ва илми Ҷумҳурии Тоҷикистон
Баёни ақида (0) Санаи нашр: 22.05.2018 №: 100-101 Мутолиа карданд: 1448
