маориф
"СОКИНОНИ БЕШКАППА КАЙ СОҲИБИ МАКТАБ МЕШАВАНД?"
«Ҷумҳурият», 2 марти соли 2018
Раёсати маорифи мақомоти иҷроияи ҳокимияти давлатии шаҳри Кӯлоб ба самъи шумо мерасонад, ки мақолаи «Сокинони Бешкаппа кай соҳиби мактаб мешаванд?» мавриди таҳлилу баррасӣ қарор дода шуд.
Маълум гардид, ки фарзандони деҳаи Бешкаппаи Ҷамоати деҳоти Даҳана барои таҳсил дар муассисаи таълимии асосии № 38 фаро гирифта шудаанд.
Дуруст аст, ки баъзе хонандагони деҳаи мазкур ба муассисаи таҳсилоти миёнаи умумии № 32 - и ҷамоати деҳоти мазкур барои таҳсил мераванд. Ин ҳам бошад, бо хоҳиши падару модарон ба роҳ монда шудааст. Масофаи муассиса аз деҳа як - яку ним километрро ташкил медиҳад. Хонандагон тавассути роҳи пиёдагард ба мактаб мераванд.
Бешкаппа ягона деҳае нест, ки хонандагони он дар МТМУ № 32 таълим мегиранд. Хонандагони деҳаҳои Файзобод, Дамариқ, Тоқакаппа низ дар ҳамин муассиса ба таҳсил фаро гирифта шудаанд.
Бояд зикр намуд, ки деҳаи Файзобод аҳолии на он қадар зиёд дорад ва МТМУ № 32 аз он дар масофаи 1 километр ҷойгир аст. Ин аст, ки хонандагони деҳаҳои дар боло зикр гардида барои таълиму тарбия ба муассисаи таълимии № 32 мераванд. Ҳамзамон, ба маълумоти шумо расонданием, ки барои осон намудани шароит соли 2013 дар деҳаи Тоқакаппа филиали муассисаи таълимии № 32 таъсис дода шуд.
Духтарони деҳаи Бешкаппа пурра ба таълим фаро гирифта шуда, ҳамасола бо аттестати маълумоти асосӣ ва маълумоти миёнаи умумӣ таъмин карда мешаванд.
Раёсати маорифи мақомоти иҷроияи
ҳокимияти давлатии шаҳри Кӯлоб
Баёни ақида (0) Санаи нашр: 29.50.2018 №: 106 Мутолиа карданд: 1445
