барқияҳо
Барқияҳои табрикӣ Эмомалӣ Раҳмон ба Президенти Туркманистон Гурбонгулӣ Бердимуҳаммадов ва Президенти Ҷумҳурии Туркия Абдулло Гул
27 октябр Президенти Ҷумҳурии Тоҷикистон Эмомалӣ Раҳмон ба Президенти Туркманистон Гурбонгулӣ Бердимуҳаммадов барқияи табрикӣ ирсол намуд, ки дар он аз ҷумла омадааст:
Мӯҳтарам Гурбонгулӣ Маликгулиевич!
Боиси сарфарозии ин ҷониб аст, то Шумо ва мардуми туркманро ба муносибати солгарди истиқлолияти Туркманистон самимона табрик ва таҳният гӯям.
Дар ин рӯзи саид ба Шумо, мӯҳтарам Гурбонгулӣ Маликгулиевич, саломатӣ ва пирӯзиҳои нав ба нав орзумандам ва ба мардуми туркман хушрӯзӣ ва саодат таманно дорам.
х х х
29 октябр Президенти Ҷумҳурии Тоҷикистон Эмомалӣ Раҳмон унвонии Президенти Ҷумҳурии Туркия Абдулло Гул барқияи табрикӣ ирсол намуд, ки дар он аз ҷумла гуфта мешавад:
Ҷаноби Олӣ,
Шумо ва дар симои Шумо тамоми халқи дӯсти Туркияро ба муносибати ҷашни миллиатон – солгарди истиқлолияти Ҷумҳурии Туркия аз симими дил табрику таҳният мегӯям.
Ба сатҳи муносибатҳои тайи солҳои охир бадастомадаи Тоҷикистону Туркия баҳои баланд дода, бо итминон иброз медорам, ки мо барои тавсеа ва таҳкими ҳамкориҳои байни давлатҳоямон, ки ба принсипҳои баробарҳуқуқӣ, эҳтироми ҳамдигар ва ба ҳисоб гирифтани манфиатҳои тарафайн асос ёфтаанд, кӯшиш ба харҷ медиҳем.
Фикр мекунам, таҳкими равобити дуҷониба ва рушди минбаъдаи робитаҳоямон барои таъмини сулҳ, амният ва ҳамкориҳои мутақобилан судманди на танҳо ҳар ду кишвар, балки дар маҷмӯъ минтақа мусоидат менамоянд.
Ба Шумо, Ҷаноби Президент, сиҳатии комил, муваффақият ва ба халқи дӯсти Туркия хушбахтиву шукуфоӣ таманно дорам.
Баёни ақида (0) Санаи нашр: №: Мутолиа карданд: 6560
