маориф
ПАЁМ РОҲНАМОИ МАОРИФЧИЁН
Паёми Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олиро шаҳрвандон бо меҳру муҳаббати бепоён ҷонибдорӣ намуданд. Президенти кишвар, аз ҷумла ба соҳаи маориф диққати махсус дода, ироа доштанд, ки бо назардошти рушди иқтисоди кишвар шурӯъ аз моҳи сентябри соли равон маоши кормандони соҳаи маориф ба андозаи 15 дарсад зиёд карда шавад. Аз чунин ғамхорӣ омӯзгорон рӯҳбаланд гардида, бо дилгармӣ дар тарбияи насли наврас боз ҳам кӯшиши зиёд ба харҷ медиҳанд.
Маорифчиён вазифаҳои хешро бо сарбаландӣ ба сомон мерасонанд. Гувоҳи амали эшон ин сол ба сол боло рафтани сатҳу сифати таълим мебошад. Хонандагони имрӯза аз талабаҳои даҳ соли пеш ба куллӣ тафовут доранд. Онҳо маслиҳатҳои Сарвари муаззами кишвар Эмомалӣ Раҳмонро бобати аз худ намудани забонҳои хориҷӣ мавриди амал қарор дода истодаанд. Ба ҳамагон маълум аст, ки дар саросари мамлакат сатҳу сифати таълим сол ба сол боло рафта истодааст.
Қатъи назар аз мушкилоти мавҷуда ва идома ёфтани буҳрони иқтисодии ҷаҳон, Ҳукумати ҷумҳурӣ дар панҷ соли охир маблағгузориро ба соҳаи маориф 2,3 баробар афзудааст. Барои мисол, соли 2017 Ҳукумат дар сохтмону азнавсозии муассисаҳои таълимӣ зиёда аз 400 миллион сомонӣ ҷудо намуд. Дар натиҷа муассисаҳои таълимӣ соҳиби 24 ҳазор ҷойи нишаст гардиданд. Хушоянд аст, ки дар соли 2017 маблағгузорӣ ба соҳаи маориф 16 дарсад афзудааст.
Дар иҷрои нуктаҳои муҳими Паёми Пешвои миллат омӯзгорон низ бояд ҳиссаи сазовори хешро гузоранд. Муассисаҳои таълимӣ бояд ба омӯзиши фанҳои табиатшиносӣ ва дақиқ, таваҷҷуҳи бештар намоянд. Паёми Сарвари давлат барои ҳар яки мо ҳуҷҷати роҳнамост.
Анжела МАВЛОНАЗАРОВА,
омӯзгори МТМУ № 101 - и ноҳияи Синои шаҳри Душанбе
Баёни ақида (0) Санаи нашр: 14.06.2018 №: 118 Мутолиа карданд: 1845
