фарҳанг
РОЗИ РАНГҲО
1. Рангҳои парчами Россия – сафед, кабуд ва сурх. Он соли 1993 қабул шудааст. Ранги сафед – шарофат ва самимият; кабуд – садоқат, бошарафӣ, шаффофият, покизагӣ; сурх – ҷасорат, далерӣ, олиҳимматӣ ва муҳаббатро нишон медиҳад.
2. Рангҳои парчами Беларус – сурх ва сабз буда, дар тарафи чапи он нақшу нигори миллӣ ҷой дода шудааст. Соли 1995 қабул шудааст. Ранги сурх аз парчами Армияи Сурх гирифта шудааст. Ранги сабз рамзи таваққӯъ, баҳор, таҷаддуд, ҷангал ва майдон мебошад. Нақшу нигор – муттаҳидии халқҳо, маданияти миллӣ ва сарвати маънавиро нишон медиҳад.
3. Рангҳои парчами Олмон – сиёҳ, сурх ва тиллоӣ (хати уфуқӣ). Соли 1848 қабул шудааст. Ин рангҳо аз либоси сарбозони муқобили Наполеон ҷангида гирифта шудааст. Сарбозон либоси рангаш сиёҳ, остини сурх ва тугмаҳои заррин доштанд.
4. Фаронса. Рангҳои парчамаш кабуд, сафед ва сурх (хати амудӣ) мебошанд. Парчам соли 1794 қабул шудааст. Ранги кабуд ба либоси ҳомии Фаронса авлиё Мартин Туркский алоқамандӣ дошта, ранги сафед ранги илоҳӣ ва рамзи Фаронса аст; сурх ба шарафи пири дайри католикӣ Дионисий қабул шудааст.
5. Итолиё. Рангҳои парчам сабз, сафед ва сурх (хати амудӣ). Соли 1797 қабул шудааст. Ранги сабз ранги политсияи маҳаллӣ ва рангҳои сафеду сурх рамзи Милан мебошанд.
6. Рангҳо дар парчами Полша сафед ва сурх (хати уфуқӣ). Он соли 1919 қабул шудааст. Ранги сафед қаноти уқоб ва сурх ғуруби офтоб мебошад.
7. Парчами Ҷопон аз матои сафеди дар байнаш доираи калони сурхдошта иборат буда, расман соли 1999 қабул шудааст. Доираи сурх маънои тулӯи офтобро дорад. Парчамро дар Ҷопон Ниссёки мегӯянд, ки маънои дирафши офтобро дорад.
8. Парчами Чин аз матои сурх сохта шуда, дар болои кунҷи чапаш ситораи тиллоии панҷгӯша ҷойгир аст. Аз тарафи рости ситораи калон чор ситораи хурд дар шакли камон чида шудаанд. Ранги сурх рамзи коммунизм, ситораи калон сарварии Ҳизби коммунист, чор ситораи камоншакл бошанд, чор табақа – коргар, деҳқон, ашрофзода ва капиталистонро ифода мекунанд.
Таҳияи Гулистон МАВЛОНАЗАРОВА
Баёни ақида (0) Санаи нашр: 23.11.2018 №: 229 Мутолиа карданд: 979
