фарҳанг
"РОҒУН" ВА САРФАРОЗИИ ДОНИШҶӮЁН
Дар Вазорати маориф ва илм вобаста ба баргузории ҷамъомади тантанавӣ ва барномаи бошукӯҳи консертӣ бо ҳунарнамоии санъаткорони касбӣ ва донишҷӯёни муассисаҳои таҳсилоти миёнаи умумӣ ва олии касбии шаҳри Душанбе ҷаласаи вижа доир шуд.
Дар он Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Абдуҷаббор Раҳмонзода, Нуриддин Саид, вазири маориф ва илми ҷумҳурӣ, Идигул Қосимзода, раиси Кумитаи кор бо занон ва оилаи назди Ҳукумати ҷумҳурӣ, Мавсума Муинзода, муовини раиси шаҳри Душанбе, Дилноза Аҳмадзода, муовини раиси Кумитаи кор бо ҷавонон ва варзиши назди Ҳукумати ҷумҳурӣ ва масъулини муассисаҳои таҳсилоти миёнаи умумӣ ва олии касбӣ ширкат варзиданд.
Абдуҷаббор Раҳмонзода бори дигар аз аҳамият ва шукӯҳи НБО «Роғун» ҳарф зада, иброз дошт, ки чорабинии фарҳангии дар Наврӯзгоҳи пойтахт бо иштироки Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баргузоршуда, дар сатҳи хеле олӣ сурат гирифт.
- Дар барномаҳои фарҳангӣ ҳисси баланди худшиносӣ, саҳнаҳои ҷолиб, видеороликҳои мувофиқу муносиб ва рақсу сурудҳои шуниданиву диданӣ намоиш дода шуданд. Аз ин сабаб, сипосгузории махсуси Пешвои миллатро ба ҳунармандон, бавижа донишҷӯён, изҳор медорем, - баён дошт Абдуҷаббор Раҳмонзода.
- Оғози кори агрегати якуми НБО «Роғун» барои кулли мардуми Тоҷикистони азиз воқеан фаромӯшнашаванда ва рӯзи таърихӣ мебошад. Зеро ин неругоҳ омили муҳимтарини рушду тараққиёти минбаъдаи Тоҷикистон ва зиндагии осудаи мардум мебошад. Ин аст, ки чорабинии мазкурро донишҷӯёни мо бо дас-ту дили гарм ва эҳсоси баланди хештаншиносӣ гузаронданд. Онҳо ботинан ҳис мекарданд, ки ҳунарнамоии эшон як пора аз таърихи давлатдории навини мо хоҳад шуд, - изҳор дошт Нуриддин Саид.
Мавсума Муинзода низ дар фарҷом сипосу миннатдории раиси шаҳри Душанбе Рустами Эмомалиро ба тамоми иштирокдорони чорабинӣ расонд.
Б. БАҲОДУР, “Ҷумҳурият”
Баёни ақида (0) Санаи нашр: 27.11.2018 №: 231 Мутолиа карданд: 845
