сафарҳо
ПЕШВОИ МИЛЛАТ ДАР САНКТ - ПЕТЕРБУРГ
6 декабр Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҷаласаи ғайринавбатии сарони давлатҳои аъзои Иттиҳоди Давлатҳои Мустақил, ки дар шаҳри Санкт-Петербурги Федератсияи Россия баргузор шуд, иштирок намуданд.
Сарони давлатҳо зимни ҷаласа вазъи кунунӣ ва дурнамои ҳамгироии байнидавлатиро дар доираи иттиҳод мавриди баррасӣ қарор дода, доир ба нақшаҳои кории минбаъда, вобаста ба таъмини рушди иқтисодию иҷтимоӣ ва таҳкими амнияту бехатарӣ дар қаламрави давлатҳои аъзои иттиҳод, табодули афкор намуданд.
Ҳамзамон, дар ҷаласа дигар масъалаҳои мавриди таваҷҷуҳ, аз ҷумла муборизаи дастаҷамъона ба муқобили терроризму экстремизм, ҷиноятҳои муташаккили фаромиллӣ ва гардиши ғайриқонунии маводи мухаддир, ки ба амнияти минтақаву ҷаҳон хатари ҷиддӣ доранд, баррасӣ гардиданд.
Шоми ҳамин рӯз, пас аз анҷоми ҷаласаи ғайринавбатӣ, бо даъвати Президенти Федератсияи Россия Владимир Путин сарони давлатҳои аъзои ИДМ дар театри Мариинскийи шаҳри Санкт-Петербург балети “Шелкунчик”- ро тамошо карданд.
Баёни ақида (0) Санаи нашр: 07.12.2018 №: 242 Мутолиа карданд: 4098
