фарҳанг
ТЕАТРҲОИ ХАЛҚӢ БОШАНД Ё НАБОШАНД?
Вазорати фарҳанги Ҷумҳурии Тоҷикистон мақолаи «Театрҳои халқӣ бошанд ё набошанд?» - ро, ки 20 июли соли 2018 дар рӯзномаи «Ҷумҳурият» нашр шудааст, мавриди омӯзишу баррасӣ қарор дод.
Қобили зикр аст, ки айни замон дар ҷумҳурӣ 22 театри халқӣ фаъолият дорад, ки дар онҳо 102 нафар ҳунармандон фаъолият мекунанд. Бо ибтикори Вазортаи фарҳанг ҳамасола Фестивал - озмуни ҷумҳуриявии театрҳои халқӣ баргузор мегардад, ки ин тадбири муҳим барои фаъолияти пурсамари онҳо такони ҷиддӣ мебахшад.
Тибқи Барномаи давлатии рушди муассисаҳои фарҳанги Ҷумҳурии Тоҷикистон барои солҳои 2016 – 2020 Вазорати фарҳанг барои тағйиру иловаҳо ворид намудан ба низомномаи муассисаҳои фарҳангӣ, аз ҷумла театрҳои халқӣ, чораҷӯӣ карда истодааст. Ҳангоми таҳияи низомномаи нав тамоми пешниҳодоти ироагардида ба инобат гирифта мешаванд.
Лозим ба ёдоварист, ки театрҳои халқӣ дар тавозуни шуъба ва бахшҳои фарҳанги шаҳру ноҳияҳо қарор дошта, маблағгузорӣ ва зиёд намудани бастҳои кории онҳо дар салоҳияти мақомоти иҷроияи маҳаллии ҳокимияти давлатии шаҳру ноҳияҳо мебошад.
Пешниҳод дар бораи он, ки дар заминаи театрҳои халқӣ студияҳои театрӣ ташкил карда шавад, мавриди таҳлил ва омӯзиши мутахассисони соҳа қарор дорад.
Ш. ОРУМБЕКЗОДА, вазири фарҳанги Ҷумҳурии Тоҷикистон
Баёни ақида (0) Санаи нашр: 13.02.2019 №: 33 Мутолиа карданд: 862
