иқтисод
НОҲИЯИ ҶАЛОЛИДДИНИ БАЛХӢ. АВЛАВИЯТ БА БОҒПАРВАРӢ
- Дар ноҳияи Ҷалолиддини Балхӣ ҷиҳати барқарор намудани боғҳои бисёрсола тадбирҳои амалӣ андешида шуданд. Чанде пеш дар хоҷагии таҷрибавии ниҳолпарварии ноҳия 6 гектар боғи нав барқарор карда шуд,- гуфт Фақер Саъдуллоев, мудири шуъбаи иттилоотию таҳлилии дастгоҳи раиси вилояти Хатлон.
Ба иттилои Фақер Саъдуллоев, дар боғҳо ниҳолҳои бодому шафтолу, зардолу, анҷир, анор, хурмо ва зиёда аз 5 ҳазор бех дарахти ороишии сӯзанбарг шинонда мешаванд. Майдони умумии боғи хоҷагии таҷрибавии ниҳолпарварӣ 18 гектарро ташкил дода, дар ин ҷо гармхонаи лимӯ ва сабзавот низ бунёд гардидааст.
Кормандони боғ дар ин мавзеъ дарахтонеро парвариш менамоянд, ки дар минтақаҳои иқлимашон гарм хуб месабзанд.
Имсол дар ноҳия, тибқи Барномаи рушди соҳаи боғу токпарварӣ дар Ҷумҳурии Тоҷикистон барои солҳои 2016 - 2020, барқарор намудани 14 гектар боғу токзор дар назар аст.
Кароматулло АТО,
«Ҷумҳурият»
Баёни ақида (0) Санаи нашр: 15.03.2019 №: 53 Мутолиа карданд: 1196
