номаҳо
СОЛИ ХОНИШ. ЯК ПЕШНИҲОД
Ман собиқадори соҳаи маорифам. Тайи 60 сол боз ба шогирдон аз фанни география дарс додаам.
Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҳар як суханрониашон маорифро дар сиёсати давлатӣ соҳаи афзалиятнок ҳисобида, ҳамеша кӯшиш ба харҷ медиҳанд, ки сол ба сол нисбати омӯзгорон бештар ғамхорӣ намоянд. Ҳамин тавр, зина ба зина музди маоши кормандони ин соҳаро чандин маротиба баланд бардоштанд. Албатта, ин боиси ифтихори мо - омӯзгорон аст.
Яке аз чунин иқдомҳои некашон ба тасвиб расондани Қарори Ҳукумати Ҷумҳурии Тоҷикистон аз 27 апрели соли 2018, № 207 оид ба давомнокии рухсатӣ барои собиқаи кории давомнок мебошад. Дар ин асос рухсатии омӯзгорон вобаста ба собиқаи кориашон (5 - 20 сол) аз 3 то 10 - рӯз илова карда мешавад. Бо фармоиши Вазорати маориф ва илми Ҷумҳурии Тоҷикистон бошад, аз 17 майи соли 2019, №2702 соли таҳсили 2018-2019 дар тамоми муассисаҳои таҳсилоти миёнаи умумӣ новобаста аз шакли ташкилию ҳуқуқӣ 14 июни соли 2019 анҷом дода мешавад. Дар ин сурат, рухсатии як гурӯҳи омӯзгорон то 8 сентябр давом мекунад. Бо андешаи мо чун солҳои қаблӣ агар соли хониш 25 май анҷом ёбад, ба истироҳату системанокии таълим ва омодасозӣ ба соли нави хониш таъсири манфӣ намерасонад.
Саймурод ОДИНАЕВ, собиқадори соҳаи маориф, ноҳияи Восеъ
Баёни ақида (0) Санаи нашр: 11.06.2019 №: 109 Мутолиа карданд: 4224
