маориф
Барои татбиқи лоиҳа боз 338 мактаб интихоб гардид
Дар доираи татбиқи марҳилаи дуюми Барномаи «Фондҳои ҷамоавӣ барои мусоидати рушди маълумоти асосӣ ва барқарорсозии инфраструктураи коммуналӣ» аз 28 августи соли 2009 миёни Бонки олмонии рушд (KFW), Вазорати рушди иқтисод ва савдои ҷумҳурӣ ва Бунёди миллии иҷтимоии маблағгузории Тоҷикистон қарордод ба имзо расидааст.
Мақсади ин барнома беҳтар намудани шароити таълим дар мактабҳои таълимоти ибтидоӣ ва миёнаи умумӣ дар минтақаи фарогирии барнома бо роҳи қисман бунёд кардани инфраструктураи васеи мактабӣ бо истифода аз сифати мувофиқ мебошад.
-Марҳилаи дуюми барнома 14 ноҳияи минтақаи Қӯрғонтеппа ва шаш ноҳияи минтақаи Кӯлобро фаро мегирад ва маблағгузории он аз тарафи Ҳукумати Олмон -11 ҳазор евро, Ҳукумати ҷумҳурӣ бештар аз 2440 евро ва саҳми аҳолии минтақа қариб 140 евроро ташкил медиҳад. Бояд гуфт, ки дар марҳилаи мазкур маблағҳои барнома пурра ба соҳаи маориф равона гардидааст, -гуфт Саидаҳмад Мирзоев, директори иҷроияи БМИМТ дар нишасти матбуотӣ барои хабарнигорон ва афзуд, ки се навъи мактабҳои дар вагонҳо, дар хонаҳои шахсӣ ва дар ҳолати садамавӣ қарордошта маблағгузорӣ мешаванд. Барои татбиқи лоиҳа 38 мактаб интихоб шудааст, ки 26 мактаб дар минтақаи Қӯрғонтеппа ва 12 мактаб дар минтақаи Кӯлоб қарор дорад.
-Айни замон се лоиҳа дар марҳилаи тарҳрезӣ қарор дорад ва шурӯъ аз моҳи феврал сохтмончиёни кишварро тариқи даъватномаи иштирок дар озмун ба азнавсозӣ ва таъмири мактабҳо даъват менамоем, -гуфт Солиҷон Дадабоев, менеҷери шӯъбаи хариди БМИМТ.
Муҳаммади НУРУЛЛОҲ
Баёни ақида (0) Санаи нашр: №: Мутолиа карданд: 5440
