президент
Сатҳи камбизоатӣ дар кишвар то 50 фоиз коҳиш ёфт
22 январ таҳти раёсати Президенти Ҷумҳурии Тоҷикистон Эмомалӣ Раҳмон ҷаласаи нахустини Шӯрои миллии рушди назди Президенти Ҷумҳурии Тоҷикистон баргузор гашт, ки дар он татбиқи Стратегияи паст кардани сатҳи камбизоатӣ барои солҳои 2007 - 2009 ва омодагӣ ба қабули Стратегияи паст кардани сатҳи камбизоатӣ дар Тоҷикистон барои солҳои 2010 - 2012 баррасӣ шуд.
Оид ба масоили мазкур нахуст ҳисоботи вазири рушди и›тисод ва савдо Фарух Ҳамралиев шунида шуд.
Зикр гардид, ки Стратегияи паст кардани сатҳи камбизоатӣ бо ма›сади ба меъёрҳои байналмилалӣ мутобиқ гардондани низоми идораи давлатӣ, рушди макроиқтисодӣ, беҳбуди фазои сармоягузорӣ, рушди бахши хусусӣ ва соҳибкорӣ, ҳамкориҳои минтақавӣ ва ҳамгироӣ ба иқтисоди ҷаҳонӣ татбиқ карда мешавад.
Дар натиҷаи татбиқи босамари стратегияи мазкур сатҳи камбизоатӣ аз 72,4% - и соли 2003 дар соли 2007 то 53% ва то охири соли 2009 то 50% коҳиш ёфт.
Изҳори боварӣ карда шуд, ки дар натиҷаи татбиқи самарабахши стратегияи нав сатҳи камбизоатӣ то соли 2012 бояд то ҳадди 40% коҳиш ёбад.
Иттилоъ дода шуд, ки барои маблағгузории стратегияи қаблӣ 5 миллиард доллари амрикоӣ равона гашта буд.
Таъкид гардид, ки тарзу усули корбарӣ дар татбиқи стратегияи нав хеле такмил меёбад. Маблағгузории он зиёд шуда, новобаста аз он ки шумораи тадбирҳои он 300 адад кам пешбинӣ шудаанд, ба 5,3 миллиард доллари амрикоӣ расонда хоҳад шуд.
Баъди муҳокимаи муфассал, ки бо иштироки роҳбарияти Академияи илмҳои Тоҷикистон ва намояндагони субъектҳои соҳибкории мамлакат сурат гирифт, лоиҳаи Стратегияи паст кардани сатҳи камбизоатӣ дар Тоҷикистон барои солҳои 2010 – 2012 ба баррасии маҷлиси навбатии Ҳукумати Ҷумҳурии Тоҷикистон пешниҳод карда шуд.
Баёни ақида (0) Санаи нашр: №: Мутолиа карданд: 3781
