ҳуқуқ
ХУРОСОН. 12 ҚОНУНШИКАНӢ ДАР НИМ СОЛ
Дар шаш моҳи аввали соли равон дар ноҳияи Хуросон 12 ҳолати риоя нашудани Қонуни Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон» ошкор гардидааст. Аз ин ҳисоб тариқи суд ба маблағи 26 000 сомонӣ ҷарима ситонда шуд.
Тавре аз мақомоти иҷроияи маҳаллии ҳокимияти давлатии ноҳия ба рӯзномаи «Ҷумҳурият» хабар доданд, - дар ин давра, дар маҷмӯъ 933 тӯйи домодиву арӯсӣ, хатнасури хайриявӣ ва маросими азодорӣ гузаронда шудааст. Харҷи умумии тӯю маросимҳо 5 миллиону 292 ҳазор сомониро ташкил медиҳад.
Бо мақсади амалӣ намудани қонуни мазкур дар ноҳия 7 комиссияи доимоамалкунанда ва 52 комиссияи ҷамъиятӣ фаъолият мекунанд, ки ҷиҳати риояи муқаррароти Қонуни Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон» байни аҳолӣ корҳои фаҳмондадиҳӣ мебаранд.
Кароматулло АТО,
«Ҷумҳурият»
Баёни ақида (0) Санаи нашр: 03.09.2019 №: 169 Мутолиа карданд: 2542
