маориф
Бозиҳои миллӣ эҳё мешаванд
Шодӣ Сафаров, ректори Донишкадаи давлатии тарбияи ҷисмонии Тоҷикистон ба номи Саидмӯъмин Раҳимов, иттилоъ дод, ки имсол дар донишкада 5 кафедраи нав ба фаъолият шурӯъ намуд. Биноҳои хониш, толорҳои варзишӣ, китобхона ва бинои хобгоҳ таъмир ва донишҷӯёни дар хобгоҳ буда бо лавозимоти зиндагӣ таъмин гаштанд. 15 компютери нав ворид гашт. Донишкада «Рӯзи дарҳои кушода» гузаронд, ки дар он ҷавонон, падару модарони донишҷӯён иштирок намуда, бо сохтор ва шароити кунунии донишкада шинос шуданд. Донишҷӯён дар 18 мусобиқаи шаҳрӣ, ҷумҳуриявӣ ва байналмилалӣ фаъолона иштирок намуда, соҳиби унвони гуногун гаштанд. Аз ҷумла Акмалиддин Каримов, Лутфулло Розиқов дар мусобиқаи ҷаҳонӣ байни наврасон, ки дар шаҳри Минск баргузор гардид, иштирок намуда соҳиби унвони чемпиони ҷаҳон гардиданд. Хушвахт Қурбонмамадов дар шаҳри Санкт Петербург дар мусобиқаи байналмилалӣ иштирок намуда, соҳиби ҷойи дуюм ва медали нуқра шуд. Ҳамчунин донишҷӯён дар Спартакиадаи донишҷӯён, ки байни 18 мактаби олӣ гузашт, аз рӯи 11 намуди варзиш иштирок карда, соҳиби ҷои аввал ва ҷоми Раёсати ҷавонон, варзиш ва сайёҳии шаҳри Душанбе гардиданд. Бо мақсади эҳё намудани бозиҳои миллӣ кафедраи чавганбозӣ ва гӯштини миллӣ ташкил карда шуд.
Ҳамзамон донишкада дар кунгураи байналмилалии ректорони мактабҳои олии ҷаҳон иштирок карда, узви Ассотсиатсияи мактабҳои олии ҷаҳон гардид.
Фарзонаи Файзалӣ
Баёни ақида (0) Санаи нашр: №: Мутолиа карданд: 5501
