иқтисод
ПАХТА - ГАНҶИ БЕБАҲО
Пахта маҳсулотест, ки самараи ҳосилашро мардум дар рӯзгор ҳазорсолаҳо боз истифода мебаранд. Аз пахта, ба гуфтаи мутахассисон дар замони мо беш аз 300 намуди маҳсулот истеҳсол мешавад.
Мо имкон дорем, ки дар сар то сари Ватани офтобрӯяи биҳиштосоямон пахтаро ҳамчун зироати якуму дуюм бикорем ва ҳосили хубу фаровон ба даст биорем. Аз заминҳои тахту ҳамвори кишвар давоми 180 рӯзи тақвимии гарму офтобӣ то 35 - 37 - сентнерӣ ҳосили пахта рӯёндан ва давлату халқи азизамонро боз ҳам сарватманд гардондан имконпазир аст. Барои таъҷилан аз ҷаву гандум озод намудани заминҳои обӣ онҳоро бо комбайнҳои махсус даравида, сипас, таъҷилан техникаҳои дар ҳолати омодабош қарордоштаро ба шудгору кишти пахта сафарбар намудан лозим меояд. Пунбадонаро коштан баробар об додан зарур аст. Дар ин маврид мо аз фурсати мусоиди гармии тобистон истифода намуда, ҳосили хуби пахта мерӯёнем.
Умедворам, масъулони соҳаи кишоварзӣ ва пахтакорон ин пешниҳодро дастгирӣ мекунанд ва барои рушду нумӯи бештари кишвари азизамон саъю талош меварзанд.
Раҳмат ШЕРАЛИЕВ, омӯзгор
Баёни ақида (0) Санаи нашр: 11.10.2019 №: 192 Мутолиа карданд: 1860
