энергетика
Чаро истеҳсоли нерӯи барқ коҳиш ёфт?
ШСХК « Барқи тоҷик» дар соли 2009 14 миллиарду 197 миллион кВт - соат нерӯи барқ истеҳсол кард, ки нисбат ба соли 2008 панҷ фоиз кам аст, иброз дошт зимни нишасти матбуотӣ раиси ШСХК «Барқи тоҷик» Абдулло Ёров.
Худмаҳдудкунии истеҳсоли қувваи барқ дар семоҳаи аввали соли 2009 бо мақсади пешгирӣ намудани масрафшавии оби обанбори Норак ва ба ин васила пешгирӣ кардани ҳолатҳои садамавӣ дар системаи энергетикии кишвар– сабабҳои асосии кам истеҳсол шудани қувваи барқ мебошанд.
Бо мақсади таъмини соҳаҳои иқтисодиёт ва аҳолии ҷумҳурӣ бо қувваи барқ ширкати «Барқи тоҷик» аз хориҷи ҷумҳурӣ ва ҶСК « Сангтӯда – 1» дар ҳаҷми 2965 миллион кВт - соат қувваи барқ харидорӣ намуд.
Дар давоми сол маблағи гузаронидани корҳои таъмирӣ якҷоя бо корҳои таҷдиду барқароркунии таҷҳизоти асосиву ёрирасони нерӯгоҳҳо ва шабакаҳои барқии системаи энергетикии «Барқи тоҷик» 97,8 миллион сомониро ташкил дод, ки нисбат ба соли 2008 2,5 маротиба зиёд аст.
Инчунин зикр гардид, ки минбаъд сокинони шаҳр барои маслиҳату пешниҳод ва арзу шикоят метавонанд бо телефони боварии 2 95480 ё 2 95307 ба «Барқи тоҷик» муроҷиат кунанд.
Оҳистамоҳи ВАФОБЕК
Баёни ақида (0) Санаи нашр: №: Мутолиа карданд: 4859
