барқияҳо
Барқияи шодбоши Эмомалӣ Раҳмон ба Виктор Янукович
12 феврал Президенти Ҷумҳурии Тоҷикистон Эмомалӣ Раҳмон ба унвони Виктор Янукович ба муносибати Президенти Украина интихоб шуданаш барқияи шодбошӣ равон кард, ки дар он аз ҷумла омадааст:
Мӯҳтарам Виктор Федорович!
Табрикоти маро ба муносибати интихоб шуданатон ба мансаби олии Сарвари Украинаи дӯст қабул фармоед.
Мо ба муносибатҳои зичи мавҷудаи ҳамкориҳо миёни ду кишвар, ки ҷавобгӯи манфиатҳои миллиамон мебошанд, баҳои баланд медиҳем.
Боварӣ дорам, ки муносибатҳои бисёрҷабҳаи Тоҷикистону Украина дар асоси баробарҳуқуқӣ, эҳтироми тарафайн ва бо назардошти манфиати ҷонибҳо густариши нав меёбад
Бо истифода аз фурсати муносиб, изҳори омодагӣ мекунам, ки дар ҳамкорӣ бо Шумо барои рушди минбаъда ва густариши амиқи ҳамкориҳо миёни Ҷумҳурии Тоҷикистон ва Украина ҷидду ҷаҳд ва талош хоҳем кард.
Иҷозат диҳед, ба Шумо - мӯҳтарам Виктор Федорович, саломатӣ ва муваффақият дар мансаби Президентии Украина ва ба халқи дӯсти украин сулҳ ва ободиро орзу намоям.
Баёни ақида (0) Санаи нашр: №: Мутолиа карданд: 4678
