иқтисод
ҶДММ "СУҒД - ПАК". БОЗ ЯК КОРГОҲИ НАВИ ИСТЕҲСОЛИ ХАЛТАҲОИ ПОЛИПРОПИЛЕНӢ БУНЁД МЕСОЗАД
Баҳри расидан ба ҳадафи чоруми миллӣ – саноатикунонии босуръати мамлакат дар назди ҶДММ “Суғд – пак” боз як коргоҳи истеҳсоли халтаҳои полипропиленӣ ба истифода дода мешавад.
Дар ин бора ба хабарнигори «Ҷумҳурият аз мақомоти иҷроияи ҳокимияти давлатии Суғд хабар доданд.
Бояд гуфт, ки дар ҶДММ “Суғд – пак” барои орд, оҳак ва семент халтаҳои полипропиленӣ истеҳсол менамояд ва иқтидори солонаи он 60 миллион донаро ташкил медиҳад. Дар корхона таҷҳизоти бофандагӣ, ресандагӣ, чопкунӣ, ламинатсия ва ғайра васлу насб гардида, дар он 310 нафар кор мекунад. Дар назар аст, ки бо ба кор даромадани коргоҳи нав боз даҳҳо нафар бо кор таъмин мегардад.
Тибқи маълумоти оморӣ ҶДММ «Суғд – пак» дар шаш моҳи соли ҷорӣ ба маблағи 21 миллиону 496 ҳазор сомонӣ маҳсулот истеҳсол кардааст, ки нисбат ба ҳамин давраи соли гузашта 3,5 дарсад беш мебошад.
Кароматулло АТО
Баёни ақида (0) Санаи нашр: 27.08.2020 №: 163 Мутолиа карданд: 1268
