logo

иқтисод

ҶАНГАЛ. ИСТЕҲСОЛИ МАҲСУЛОТ ДУ БАРОБАР АФЗУД

Дар Ҷумҳурии Тоҷикистон ҷангал моликияти давлат буда, барои нигоҳубин ва барқарорсозии он муассисаҳои хоҷагии ҷангал тадбирҳои зарурӣ андешида истодаанд.
Тавре директори муассисаи давлатии хоҷагии ҷангали минтақаи Кӯлоб Мираҳмад Давлатов ба хабарнигори «Ҷумҳурият» иттилоъ дод, дар мувозинати хоҷагии ҷангали минтақа 237 ҳазору 91 гектар замини фонди ҷангал мавҷуд аст. Ҳоло дар хоҷагиҳои ҷангали минтақа 317 нафар кору фаъолият менамояд. Соли гузашта 155 гектар ҷангалзори нав бунёд ва 399,4 гектар ҷангалзори куҳна аз нав барқарор карда шуд.
Бунёди 43 гектар ҷангал бо тариқи кишти тухмӣ ва 86,6 гектар бо усули шинондани ниҳол ба роҳ монда шуд. Ғайр аз ин, ҷангалпарварони минтақа дар майдони 98 гектар писта, 41,7 гектар бодом, 53,7 гектар чормағз, себ, хуч, зардолу ва анор шинонданд. 
Кормандони хоҷагиҳои ҷангали ноҳияҳои Данғара, Фархор, Ховалинг, Муъминобод, Шамсиддин Шоҳин ва Балҷувон дар соли сипаригашта 110 тонна меваи тухмдор, 28 тонна меваи хушк, 28,5 тонна чормағз, 82 тонна меваи донакдор, 7,2 тонна бодоми талх, 9 тонна хуч ва 1,6 тонна  зелол ҷамъоварӣ намуданд.
- Дар бунёду барқароркунии ҷангалзор аз ниҳолҳои худӣ истифода бурда мешавад. Барои бо ниҳолҳои худӣ таъмин кардани хоҷагиҳо ва истифодаи ниҳолҳои ба иқлим мусоид дар назди ҳамаи хоҷагиҳои ҷангали минтақа ниҳолхонаҳои хурд фаъолият менамоянд. Имсол дар ниҳолхонаҳо ба миқдори беш аз 850 ҳазор бех ниҳоли гуногун парвариш кардем. Ниҳолҳо, инчунин, дар ярмаркаи фурӯш дар шаҳрҳои Душанбе ва Кӯлоб ба фурӯш бароварда шуданд, - гуфт Мираҳмад Давлатов.
Ҳоло дар ниҳолхонаҳои хоҷагиҳои минтақа ба миқдори зиёда аз 354 ҳазор бех ниҳол парвариш ёфта, дар майдони 12,9 гектар кишти тухми ниҳолҳо гузаронда шудааст. Ба иттилои манбаъ, то имрӯз дар майдони 321,3 гектар, пурракунии зичии ниҳолҳо ба анҷом расидааст.
Мутаассифона, ҳоло ҳам шахсоне пайдо мешаванд, ки ба қонуншиканӣ роҳ медиҳанд. Аз тарафи нозирони ҳифзи ҷангали минтақа то имрӯз 178 санад тартиб дода, қонуншиканҳо ба маблағи 38 ҳазору 71 сомонӣ ҷарима баста шудаанд, аз ҷумла 99 санад ба маблағи 22 ҳазору 340 сомонӣ барои буриши ғайриқонунии ҷангал, 18 санад ба маблағи 2 ҳазору 291 сомонӣ барои худсарона чарондани чорво, 55 санад ба маблағи 12 ҳазору 34 сомонӣ барои ҷамъоварии ғайриқонунии маҳсулоти ҷангал, 4 санад ба маблағи 406 сомонӣ барои шикори ғайриқонунӣ.
Ёдовар мешавем, ки бо қарори Ҳукумати Ҷумҳурии Тоҷикистон хоҷагии ҷангали ноҳияи Шамсиддин Шоҳин аз тобеияти минтақаи Кӯлоб бароварда, ба мамнӯъгоҳи «Даштиҷум» ворид карда шуд. Дар ин мамнӯъгоҳ дар баландкӯҳҳои Эмом Аскара бузҳои пармашох нигоҳубину парвариш мешаванд. Ба ғайр аз бузҳои пармашох боз 53 сар бабри сафеди барфӣ ба қайд гирифта шудааст, ки шикори онҳо қатъиян манъ аст.
Имсол дар МД «Хоҷагии ҷангали минтақаи Кӯлоб» аз ҳисоби даромад 581 ҳазору 898 сомонӣ ва аз ҳисоби фурӯши маҳсулот 319 ҳазору 376 сомонӣ фоида ба даст омадааст, ки нисбат ба ҳамин давраи соли гузашта қариб ду маротиба зиёд мебошад. Ҷангалпарварон мақсад доранд, ки дар асоси дастуру супоришҳои Президенти мамлакат муҳтарам Эмомалӣ Раҳмон дар оянда низ истеҳсоли маҳсулоти кишоварзиро аз ҳисоби заминҳои ҷангал зиёд намуда, дар таъмини амнияти озуқавории кишвар саҳми муносиби худро гузоранд.

Холназар КАСИРОВ, «Ҷумҳурият»
 


Баёни ақида (0)    Санаи нашр: 09.11.2020    №: 217    Мутолиа карданд: 1245
31.01.2023


ДАВЛАТАЛӢ САИД ДАР ШАҲРИ КӮЛОБ

АЗ НИШАСТҲОИ МАТБУОТӢ

ВАО: “Теъдоди қурбониёни ҳамлаи террористи маргталаб дар Пешовар ба 72 нафар расид”

Ҷаҳон дар як сатр

ТАҶЛИЛИ БОШУКӮҲИ САДА ДАР ХАТЛОН

НАМОЯНДАИ ШИРКАТИ CNPC ДАР ХАТЛОН

ХАТЛОН. БАРДОШТИ ИХТИСОСӢ АЗ ҶАЛАСАИ НАЗОРАТӢ

СОЗМОНИ ҲАМКОРИИ ИҚТИСОДӢ. ТОҶИКИСТОН ДАР ТАҲКИМИ ФАЪОЛИЯТИ СОЗМОН НАҚШИ МУАССИР ДОРАД

27.01.2023


БМТ. ПАЁМ САРМАШҚИ ФАЪОЛИЯТ ХОҲАД БУД

25.01.2023


Вохӯрии вазирони корҳои хориҷии Тоҷикистон ва Ӯзбекистон

ТАЪСИСИ АВВАЛИН МАРКАЗИ ҒИЗОИ МАКТАБӢ

МУЛОҚОТ БО САФИРИ ҚАЗОҚИСТОН

23.01.2023


Ҷаҳон дар як сатр

14 май дар Туркия интихоботи президентӣ баргузор мешавад

«САЪБА»

17.01.2023


САМАРАНОКИИ ФАЪОЛИЯТ ВА ШАФФОФИЯТ

Мулоқоти Имангали Тасмагамбетов бо Сергей Поспелов

Игор Черевченко – сармураббии “Истиқлол”

16.01.2023


БОЗИҲОИ ОЛИМПӢ-2024

13.01.2023


ШАМЪИ ХОТИРА

11.01.2023


Муроҷиатномаи Раиси шаҳри Душанбе ба сокинони пойтахт

Санаи муҳорибаи аввалини Нурулло дар UFC аниқ шуд

ХОРУҒ. ҶАЛАСАИ ҶАМЪБАСТИ ФАЪОЛИЯТИ СОЛОНА

10.01.2023


БА АЗНАВБАҚАЙДГИРИИ СИМКОРТҲО МУҲЛАТИ КАМ МОНД

ҲИСОР. ДАР АРАФАИ СОЛИ НАВ 217 СОКИНИ ШАҲР СОҲИБИ ЗАМИН ШУД

ДБССТ. ҲАМКОРИҲОИ БАЙНАЛМИЛАЛӢ ВУ-СЪАТИ ТОЗА МЕГИРАНД

Пешниҳоди Александр Лукашенко

Ҷаҳон дар як сатр

ҶИУ-ҶИТСУ

Таҳкими ҳамкориҳои Тоҷикистон ва Ӯзбекистон

ТЕННИС

БОХТАР. ҒОЛИБОНИ ОЗМУНҲО ҚАДР ШУДАНД

ФАЙЗОБОД. ШАРҲУ ТАВЗЕҲИ ПАЁМ

09.01.2023


ХОРУҒ. БО ДАСТУРИ РУСТАМИ ЭМОМАЛӢ ДАР МАҲАЛЛАИ ТИРЧИД КӮДАКИСТОН СОХТА МЕШАВАД

03.01.2023


«ВЗЛЁТ ПЕРЕД ЗАКАТОМ»


Дар сомонаҳои дигари Тоҷикистон хонед