барқияҳо
Барқияи тасаллияти Президенти Ҷумҳурии Тоҷикистон Эмомалӣ Раҳмон ба пайвандону наздикони шаҳрвандони мамлакат, ки бар асари ҳодисаи террористӣ дар шаҳри Маскав ҳалок гардидаанд
Президенти Ҷумҳурии Тоҷикистон Эмомалӣ Раҳмон ба пайвандону наздикони шаҳрвандони мамлакат, ки бар асари ҳодисаи террористӣ дар шаҳри Маскав ҳалок гардидаанд, барқияи тасаллият ирсол намуд, ки дар он аз ҷумла омадааст:
Амалиёти даҳшатангези террористӣ, ки 29-уми марти соли 2010 дар метрополитени шаҳри Маскав рӯй дода, боиси ҳалокати даҳҳо одамон гардид, моро сахт андӯҳгин сохт.
Мо ин амали бадкирдоронаро, ки ҳадафаш халалдор кардани субот дар ҷомеа ва низоъ андохтан дар байни мардум мебошад, қатъиян маҳкум намуда, ба хешу ақрабои ҳалокшудагон таъзия ва ҳамдардӣ изҳор менамоем.
Дар байни фавтидагон 3 нафар шаҳрванди Тоҷикистон ҳам мебошад. Аз марги фоҷианоки ҳамватанонамон огоҳӣ ёфта, бо эҳсоси ғаму андӯҳи зиёд ба аҳли хонавода ва хешу табори онҳо изҳори ҳамдардии амиқ баён месозам.
Тамоми хароҷоти марбут ба интиқолу дафни ҳамватанони ҳалокшударо Ҳукумати Тоҷикистон ба зиммаи худ мегирад.
Бори дигар ба пайвандону наздикони қурбониёни ҳодисаи террористии шаҳри Маскав ҳамдардии худро баён карда, ба онҳо аз даргоҳи Худованди мутаол сабри ҷамил хоҳонам.
Баёни ақида (0) Санаи нашр: №: Мутолиа карданд: 4107
