logo

иқтисод

 МАСТЧОҲ. ДЕҲҚОНОН ЗИНДАГИРО РАНГИ ТОЗА МЕБАХШАНД


Деҳқонони чашмикордони ноҳияи Мастчоҳ нақшаи дурнамои истеҳсоли ашёи пурқимати саноатӣ - пахтаро нахустин шуда дар вилояти Суғд ба иҷро расонданд. Онҳо то охири мавсими ҷамъоварии ҳосил қариб 30 ҳазор тонна пахта ба даст оварданд. Нишондиҳандаи мазкур дар қиёс ба соли гузашта беш аз 6 ҳазор тонна зиёд буда, ҳосилнокӣ аз ҳар гектар 23 сентнериро ташкил дод. Дар бунёди хирмани баланди пахта саҳми хоҷагиҳои деҳқонии “Устоён”, “Лангар”, “Амакҷон”, “Наврӯз”, “Оббурдон”, “Сорбон “, “Палдорак” ва ғайраҳо, ки ҳосилнокии пахтаро ҳатто то 60 - сентнерӣ расонданд, назаррас аст.
Тибқи иттилои Нарзулло Боймирзоев, сардори раёсати идораи кишоварзии ноҳия, ҷиҳати татбиқи дастурҳои Президенти мамлакат муҳтарам Эмомалӣ Раҳмон майдони кишти ин зироати техникӣ аз 11 ҳазори соли қаблӣ ба зиёда аз 12 ҳазор гектар расида, 3 ҳазору 900 хоҷагии деқонӣ дар ноҳия маҳз ба парвариши ин зироати муҳим машғул шуд.
Ҳамкорӣ бо мутахассисону олимони соҳаи кишоварзии мамлакат, интихоби тухмиҳои хушсифат, аз қабили “ Ориён”, “Неъмат”  “Синҷон-39”, “Дӯстихиён”, “Флеш”, “Флора”, риояи технологии парвариш, пошидани нуриҳои минералии фосфору азот, обёрии саривақтӣ, шароит фароҳам овард, ки хоҷагиҳои деҳқонӣ аз 35 то 45 - 50 - сентнерӣ ҳосил ғун доранд.
- Сарфи назар аз он ки солҳои охир оид ба суду зарари зироати пахта сару садоҳо гуногунанд, бовар дорам,  ки пахта дар рушди воқеии иқтисодии кишвар нақши муассир мебозад, - гуфт Ҳасан Мирзоев, собиқадори меҳнат, ходими давлатӣ ва хоҷагии ноҳия, мушовири раёсати кишоварзии ноҳия.
Ба гуфтаи ӯ, фақат соли гузашта аз ҳисоби иҷрои барзиёди нақша ба буҷаи ноҳия зиёда аз 35 миллион сомонӣ маблағ ворид шуду дар ҳаллу фасли бисёр масоили иҷтимоӣ мусоидат кард. Бо болоравии нархи бозори ҷаҳонии нахи пахта имсол ба ноҳия на кам аз 50 - 55 миллион сомонӣ аз ҳисоби истеҳсоли зиёди пахта ворид хоҳад шуд. Ин фақат аз ҳисоби иҷрои барзиёди нақша буд. Дар маҷмӯъ, манфиат аз истеҳсоли пахта хеле зиёд буда, барои таъмини  зиндагии осоиштаи мардуми ноҳия аҳамияти аввалиндараҷа дорад. Имрӯзҳо хоҷагидорон ба хубӣ дарк карда тавонистаанд, ки парвариши кадом зироат  рӯзгорашонро пеш мебарад. Ноҳияи Мастчоҳ бо он имконияту захираҳое, ки барои рушди соҳаи пахтакорӣ дорад, солҳои на чандон дур метавонад ба яке аз минтақаҳои рушдёфтаи  саноатию кишоварзӣ табдил ёбад. Ҳамагон медонем, ки рушди пахтакорӣ, дар навбати худ мусоидат ба соҳаи саноати сабук ҳамзамон, рушди чорводорӣ, коркарди маҳсулоти гӯшту ширист. Чаро дар шароити низоми бозоргонӣ, ки мақсад ҳарчи зиёдтар ба даст овардани манфиати иқтисодист, ба ин соҳа рӯ наорему онро рушд набахшем. Ҳоло дар ноҳия дар иртибот ба ривоҷу равнақи соҳаи пахтакорӣ 10 корхонаи коркарди пахта, 3 коргоҳи равғани рустанӣ, истеҳсоли “Ангубин” бо муосиртарин хатҳои технологии истеҳсоли ресмон бо дурнамои маҳсулоти тайёр, коргоҳҳои хурду бузурги ресандагиву дӯзандагӣ ва коркарди маҳсулоти шириву гӯштӣ фаъолият доранд. Садҳо нафар сокинони ноҳия бо ҷои корӣ таъмин гаштанд.
- Дар мавсими имсола бо 500 хоҷагии деҳқонӣ дар робита ба истеҳсоли  пахта шартномаи ҳамкорӣ ба имзо расонда, то имрӯз коркарди қариб 4 ҳазор тонна  пахтаро анҷом додаем. Аз равнақ ёфтани коркарди пахта метавон хулоса кард, ки имсол кори деҳқонони ноҳия омад карду ҳосили фаровон ба даст овардаанд. Ҳоло дар як шабонарӯз кормандони корхонаи мо то 100 тонна ва аз ин ҳам зиёд коркарди пахтаро ба роҳ мемонанд.  Феълан, нишондиҳандаи сифати пахтаю чигит низ дар қиёс ба соли гузашта баланд буда, таносубан нахи пахта 36 дарсад ва чигит 59 дарсадро ташкил медиҳад, ки ин  баландтарин дар солҳои охир мебошад, - гуфт Мирзосалим Раҳимов, директори ҶДММ “Музаффар и  К” дар ноҳияи Мастчоҳ. 
Деҳқонони ноҳия тасмим гирифтанд, ки ҳосили соли ояндаро то ба 40  ҳазор тонна расонанд.
Ҷовиди АШТӢ, “Ҷумҳурият”


Баёни ақида (0)    Санаи нашр: 21.12.2020    №: 242-243    Мутолиа карданд: 739
31.01.2023


ДАВЛАТАЛӢ САИД ДАР ШАҲРИ КӮЛОБ

АЗ НИШАСТҲОИ МАТБУОТӢ

ВАО: “Теъдоди қурбониёни ҳамлаи террористи маргталаб дар Пешовар ба 72 нафар расид”

Ҷаҳон дар як сатр

ТАҶЛИЛИ БОШУКӮҲИ САДА ДАР ХАТЛОН

НАМОЯНДАИ ШИРКАТИ CNPC ДАР ХАТЛОН

ХАТЛОН. БАРДОШТИ ИХТИСОСӢ АЗ ҶАЛАСАИ НАЗОРАТӢ

СОЗМОНИ ҲАМКОРИИ ИҚТИСОДӢ. ТОҶИКИСТОН ДАР ТАҲКИМИ ФАЪОЛИЯТИ СОЗМОН НАҚШИ МУАССИР ДОРАД

27.01.2023


БМТ. ПАЁМ САРМАШҚИ ФАЪОЛИЯТ ХОҲАД БУД

25.01.2023


Вохӯрии вазирони корҳои хориҷии Тоҷикистон ва Ӯзбекистон

ТАЪСИСИ АВВАЛИН МАРКАЗИ ҒИЗОИ МАКТАБӢ

МУЛОҚОТ БО САФИРИ ҚАЗОҚИСТОН

23.01.2023


Ҷаҳон дар як сатр

14 май дар Туркия интихоботи президентӣ баргузор мешавад

«САЪБА»

17.01.2023


САМАРАНОКИИ ФАЪОЛИЯТ ВА ШАФФОФИЯТ

Мулоқоти Имангали Тасмагамбетов бо Сергей Поспелов

Игор Черевченко – сармураббии “Истиқлол”

16.01.2023


БОЗИҲОИ ОЛИМПӢ-2024

13.01.2023


ШАМЪИ ХОТИРА

11.01.2023


Муроҷиатномаи Раиси шаҳри Душанбе ба сокинони пойтахт

Санаи муҳорибаи аввалини Нурулло дар UFC аниқ шуд

ХОРУҒ. ҶАЛАСАИ ҶАМЪБАСТИ ФАЪОЛИЯТИ СОЛОНА

10.01.2023


БА АЗНАВБАҚАЙДГИРИИ СИМКОРТҲО МУҲЛАТИ КАМ МОНД

ҲИСОР. ДАР АРАФАИ СОЛИ НАВ 217 СОКИНИ ШАҲР СОҲИБИ ЗАМИН ШУД

ДБССТ. ҲАМКОРИҲОИ БАЙНАЛМИЛАЛӢ ВУ-СЪАТИ ТОЗА МЕГИРАНД

Пешниҳоди Александр Лукашенко

Ҷаҳон дар як сатр

ҶИУ-ҶИТСУ

Таҳкими ҳамкориҳои Тоҷикистон ва Ӯзбекистон

ТЕННИС

БОХТАР. ҒОЛИБОНИ ОЗМУНҲО ҚАДР ШУДАНД

ФАЙЗОБОД. ШАРҲУ ТАВЗЕҲИ ПАЁМ

09.01.2023


ХОРУҒ. БО ДАСТУРИ РУСТАМИ ЭМОМАЛӢ ДАР МАҲАЛЛАИ ТИРЧИД КӮДАКИСТОН СОХТА МЕШАВАД

03.01.2023


«ВЗЛЁТ ПЕРЕД ЗАКАТОМ»


Дар сомонаҳои дигари Тоҷикистон хонед