logo

иқтисод

 “ХУҶАНДАГРО”. СОДИРОТ ОМИЛИ РУШД

 
Тавре Президенти мамлакат муҳтарам Эмомалӣ Раҳмон дар паёмҳои ироашудаи хеш таъкид месозанд, имрӯз Тоҷикистон ба марҳилаи нави рушд ворид шуда, акнун даврае фароҳам омадааст, ки дар самти истеҳсоли маҳсулот ҳарчи бештар рӯ ба содирот оварему ба ин васила иқтисодиёти мамлакатро такони ҷиддӣ бахшем.
Ҷиҳати татбиқи ин дастуру супоришҳои Сарвари давлат дар вилояти Суғд, бавижа шаҳри Хуҷанд, ки аз минтақаҳои рушдёфтаи  саноатии кишвар маҳсуб меёбад, дар ин самт  тадобири муассиру мушаххасро роҳандозӣ доранд, ки самари хуб меоварад. Масалан, кормандони соҳа танҳо дар даҳ моҳи соли равон сарфи назар аз мушкилиҳои пешомада, минҷумла паҳншавии бемории коронавирус, ҳаҷми маҳсулоти содиротиро бо зиёда аз 15 номгӯ ба маблағи 248 миллиону 677,8 ҳазор сомонӣ расонданд, ки дар шароити кунунии иқтисодӣ натиҷаи мусбат арзёбӣ мешавад. Мавриди зикр аст, ки ҳаҷми содироти маҳсулоти шаҳр сол ба сол ба бозори кишварҳои дури хориҷӣ бештар роҳ меёбад. Агар дар ин фосилаи вақти соли равон ба кишварҳои Иттиҳоди Давлатҳои Мустақил ба маблағи  56 миллиону 957,3 ҳазор сомонӣ маҳсулот содирот шуда бошад, пас  содироти мол ба хориҷи дур  зиёда аз  191 миллиону 720 ҳазор сомониро ташкил дод. Дар ин радиф ба фаъолияти муътадили истеҳсолӣ ба кор даромадани  ҶДММ “ХуҷандАгро” дар шаҳри Хуҷанд имкониятҳои содиротии маркази вилоятро боз ҳам афзун кард. "ХуҷандАгро" феълан 17-умин корхона дар шаҳр аст, ки содироти маҳсулотро ба хориҷи мамлакат ба роҳ мондааст. Муштариёни хориҷӣ, хусусан ба молу маҳсулоти тайёри пахтагин, аз қабили либосҳои мактабию варзишӣ, абрешим, рангҳои баландсифат, дару тирезаҳо ва, албатта, маҳсулоти сабзавоту меваҷот мароқи ҷиддӣ зоҳир мекунанд.
ҶДММ “ХуҷандАгро” ба таври расмӣ моҳи марти соли равон бо иштироки Пешвои миллат муҳтарам Эмомалӣ Раҳмон ифтитоҳ ёфта, бо иқтидори коркарди 30 тонна пиёз дар як шабонарӯз фаъолият дорад, ки дар он наздик ба 50 ҷавони шаҳр бо ҷои кори доимӣ ва маоши хуб таъмин шуд.
-Хатҳои технологӣ, асосан, аз кишварҳои пешрафтаи  Нидерландия, Олмон ва Россия ворид гашта, сифати баланди маҳсулотро кафолат медиҳанд,- мегӯяд Шуҳрат Сангинов, директори корхона,- мо тасмим гирифтаем ояндаи наздик, ҳамчунин, коркарди сабзӣ ва баъдан лаблабу ва сирпиёзро низ ба роҳ монем, ки дар бозорҳои қитъаи Аврупо, аз ҷумла Россия, муштариёни зиёд доранд. Ҳоло корхонаи мо бо яке аз ширкатҳои бузурги савдои “Аркон”-и Москав ҳамкории дуҷонибаи судманд дорад  ва дар ин самт ният дорем бозорҳои дигар низ пайдо кунем. Шароити истеҳсолии маҳсулоти кишоварзии вилоят имкон медиҳад, ки дар ояндаи наздик иқтидори корхона боз ҳам афзоиш ёфта, дар баробари сабзавот ба коркарди мева низ, сару кор дошта бошем.
Ҷовиди АШТӢ, “Ҷумҳурият”


Баёни ақида (0)    Санаи нашр: 23.12.2020    №: 245    Мутолиа карданд: 589
31.01.2023


ДАВЛАТАЛӢ САИД ДАР ШАҲРИ КӮЛОБ

АЗ НИШАСТҲОИ МАТБУОТӢ

ВАО: “Теъдоди қурбониёни ҳамлаи террористи маргталаб дар Пешовар ба 72 нафар расид”

Ҷаҳон дар як сатр

ТАҶЛИЛИ БОШУКӮҲИ САДА ДАР ХАТЛОН

НАМОЯНДАИ ШИРКАТИ CNPC ДАР ХАТЛОН

ХАТЛОН. БАРДОШТИ ИХТИСОСӢ АЗ ҶАЛАСАИ НАЗОРАТӢ

СОЗМОНИ ҲАМКОРИИ ИҚТИСОДӢ. ТОҶИКИСТОН ДАР ТАҲКИМИ ФАЪОЛИЯТИ СОЗМОН НАҚШИ МУАССИР ДОРАД

27.01.2023


БМТ. ПАЁМ САРМАШҚИ ФАЪОЛИЯТ ХОҲАД БУД

25.01.2023


Вохӯрии вазирони корҳои хориҷии Тоҷикистон ва Ӯзбекистон

ТАЪСИСИ АВВАЛИН МАРКАЗИ ҒИЗОИ МАКТАБӢ

МУЛОҚОТ БО САФИРИ ҚАЗОҚИСТОН

23.01.2023


Ҷаҳон дар як сатр

14 май дар Туркия интихоботи президентӣ баргузор мешавад

«САЪБА»

17.01.2023


САМАРАНОКИИ ФАЪОЛИЯТ ВА ШАФФОФИЯТ

Мулоқоти Имангали Тасмагамбетов бо Сергей Поспелов

Игор Черевченко – сармураббии “Истиқлол”

16.01.2023


БОЗИҲОИ ОЛИМПӢ-2024

13.01.2023


ШАМЪИ ХОТИРА

11.01.2023


Муроҷиатномаи Раиси шаҳри Душанбе ба сокинони пойтахт

Санаи муҳорибаи аввалини Нурулло дар UFC аниқ шуд

ХОРУҒ. ҶАЛАСАИ ҶАМЪБАСТИ ФАЪОЛИЯТИ СОЛОНА

10.01.2023


БА АЗНАВБАҚАЙДГИРИИ СИМКОРТҲО МУҲЛАТИ КАМ МОНД

ҲИСОР. ДАР АРАФАИ СОЛИ НАВ 217 СОКИНИ ШАҲР СОҲИБИ ЗАМИН ШУД

ДБССТ. ҲАМКОРИҲОИ БАЙНАЛМИЛАЛӢ ВУ-СЪАТИ ТОЗА МЕГИРАНД

Пешниҳоди Александр Лукашенко

Ҷаҳон дар як сатр

ҶИУ-ҶИТСУ

Таҳкими ҳамкориҳои Тоҷикистон ва Ӯзбекистон

ТЕННИС

БОХТАР. ҒОЛИБОНИ ОЗМУНҲО ҚАДР ШУДАНД

ФАЙЗОБОД. ШАРҲУ ТАВЗЕҲИ ПАЁМ

09.01.2023


ХОРУҒ. БО ДАСТУРИ РУСТАМИ ЭМОМАЛӢ ДАР МАҲАЛЛАИ ТИРЧИД КӮДАКИСТОН СОХТА МЕШАВАД

03.01.2023


«ВЗЛЁТ ПЕРЕД ЗАКАТОМ»


Дар сомонаҳои дигари Тоҷикистон хонед