logo

иқтисод

 САРГАРДОНӢ. АЗ БЕКОРШАВИИ ҚАРОРИ РАИСИ НОҲИЯ ТО ҲАЛНОМАИ БАҲСБАРАНГЕЗ


Соли 2010 бо қарори раиси ноҳияи Файзобод аз ҳисоби заминҳои хоҷагии деҳқонии «Дашти бед» (171,70 гектар қитъаи замин) ва Ассостсиатсияи хоҷагиҳои деҳқонии «Наврӯз» (23,30 гектар) бо ҳуқуқи соҳибии якумраи меросӣ барои ташкили хоҷагии деҳқонии «Сайфиддини Шарифиён» замин ҷудо гардид. Мо 16 марти соли 2012 сертификати ҳуқуқи истифодаи замин (№ 0330202) гирифта, бо саҳмдорон фаъолиятро шурӯъ кардем.

Ман ва дигар саҳмдорон заминҳоро самаранок ва оқилона истифода мекунем. Барои иҷрои дастуру супоришҳои Ҳукумати ҷумҳурӣ ва Президенти кишвар муҳтарам Эмомалӣ Раҳмон дар масъалаи зиёд намудани майдони боғу ток дар 4 гектар боғи лалмии себ бунёд намудем. Инчунин, аз масофаи якуним километр хати об кашидем. Дар баробари ин, дар дохили боғ ва се гектари дигар барои хӯроки чорво юнучқа мекорем. Боқимондаи заминҳои хоҷагии деҳонӣ чарогоҳ мебошад. Барои рушди соҳаи чорводорӣ ҳоло дар хоҷагии мо 82 сар чорвои калони шохдор ва чорвои майда парвариш мешавад. Ҳамасола то қадри имкон барои таъмини бозори дохилӣ бо гӯшт ва шир кӯшиш ба харҷ медиҳем ва аз ин ҳисоб зиндагии худ-ро пеш мебарем. То ин вақт хоҷагии мо пурра ва сари вақт андози заминро супурдааст, ки онро расидҳои бонкӣ тасдиқ мекунад.
Баъд аз нуҳ соли фаъолият, яъне соли 2019 Исломуддин Шарипов, Назар Юнусов, Шамсулло Камолов, Саидҷаъфар Холов, Иброҳим Каримов ва Давлатмурод Файзалиев, сокинони деҳаи Шерамон, деҳоти Меҳрободи ноҳия, барои бекор намудани қарори раиси ноҳия ва сертификати ҳуқуқи истифодаи замини хоҷагии деҳқонии «Сайфиддини Шарифиён» бо ариза ба суди ноҳия муроҷиат намудаанд. Ин дар ҳолест, ки онҳо ягон ҳуҷҷати тасдиқкунанда барои истифодаи замин надоранд.
Онҳо даъвояшонро бо он асоснок карданд, ки сокинони деҳаи Шерамон (120 хоҷагӣ) солҳои пеш чорвояшонро дар мавзеи «Ширбибӣ» (ҳудуди хоҷагии деҳқонии «Сайфиддини Шарифиён») мечарондаанд ва солҳои охир барои чарондани чорво мушкилӣ пеш омадааст. Инчунин, намояндагони мақомоти иҷроияи маҳаллии ҳокимияти давлатии ноҳия ва кумитаи идораи замин дар мурофиаи судӣ баромад намуда, иброз доштанд, ки гӯё заминҳои хоҷагии деҳқонии мо тибқи амри раиси ноҳия аз 15 майи соли 2009 оид ба ҷудо кардану вобаста намудани қитъаҳои замини чарогоҳҳои деҳот сарфи назар шудааст.
Дар ҳамин асос суд даъвои онҳоро қонеъ намуда, қарори раиси ноҳияро бекор ва даъвои муқобили моро рад кард.
Вале, омӯзиши ҳуҷҷатҳое, ки дар асоси он суд ҳалнома баровард, нишон медиҳад, ки амри раиси ноҳия барои ҷудо намудани қитъаи замин барои чарогоҳ ба сокинони деҳаи Шерамон аз деҳоти Меҳробод 55,64  гектар ҷудо шудааст. Заминҳои ҷудогардида, ба заминҳои хоҷагии деҳқонии «Сайфиддини Шарифиён» ягон вобастагӣ надорад. Зеро заминҳои хоҷагии мо дар деҳоти Дӯстмурод Алиев буда, амри раиси ноҳия, ки дар асоси он ба истиқоматкунандагони деҳаи Шерамон замин ҷудо гардидааст, дар деҳоти Меҳробод мебошад. Инро харитаи заминсозии кумитаи идораи заминсозии ноҳияи  Файзобод  ва  замимаи амри раиси ноҳия аз 15 майи соли 2009 тасдиқ мекунад. Вале ваҷҳҳои мо дар ин хусус аз ҷониби мақомоти судӣ ба назар гирифта нашуд.
Аз ин рӯ, хостем бо истифода аз минбари рӯзномаи «Ҷумҳурият» арзамонро ба мақомот бирасонем, то ба ин баҳс баҳои дурусти ҳуқуқӣ дода шавад.
Хуршед НОЗИМОВ,
роҳбари хоҷагии деҳқонии
«Сайфиддини Шарифиён»


Баёни ақида (0)    Санаи нашр: 24.12.2020    №: 246    Мутолиа карданд: 593
31.01.2023


ДАВЛАТАЛӢ САИД ДАР ШАҲРИ КӮЛОБ

АЗ НИШАСТҲОИ МАТБУОТӢ

ВАО: “Теъдоди қурбониёни ҳамлаи террористи маргталаб дар Пешовар ба 72 нафар расид”

Ҷаҳон дар як сатр

ТАҶЛИЛИ БОШУКӮҲИ САДА ДАР ХАТЛОН

НАМОЯНДАИ ШИРКАТИ CNPC ДАР ХАТЛОН

ХАТЛОН. БАРДОШТИ ИХТИСОСӢ АЗ ҶАЛАСАИ НАЗОРАТӢ

СОЗМОНИ ҲАМКОРИИ ИҚТИСОДӢ. ТОҶИКИСТОН ДАР ТАҲКИМИ ФАЪОЛИЯТИ СОЗМОН НАҚШИ МУАССИР ДОРАД

27.01.2023


БМТ. ПАЁМ САРМАШҚИ ФАЪОЛИЯТ ХОҲАД БУД

25.01.2023


Вохӯрии вазирони корҳои хориҷии Тоҷикистон ва Ӯзбекистон

ТАЪСИСИ АВВАЛИН МАРКАЗИ ҒИЗОИ МАКТАБӢ

МУЛОҚОТ БО САФИРИ ҚАЗОҚИСТОН

23.01.2023


Ҷаҳон дар як сатр

14 май дар Туркия интихоботи президентӣ баргузор мешавад

«САЪБА»

17.01.2023


САМАРАНОКИИ ФАЪОЛИЯТ ВА ШАФФОФИЯТ

Мулоқоти Имангали Тасмагамбетов бо Сергей Поспелов

Игор Черевченко – сармураббии “Истиқлол”

16.01.2023


БОЗИҲОИ ОЛИМПӢ-2024

13.01.2023


ШАМЪИ ХОТИРА

11.01.2023


Муроҷиатномаи Раиси шаҳри Душанбе ба сокинони пойтахт

Санаи муҳорибаи аввалини Нурулло дар UFC аниқ шуд

ХОРУҒ. ҶАЛАСАИ ҶАМЪБАСТИ ФАЪОЛИЯТИ СОЛОНА

10.01.2023


БА АЗНАВБАҚАЙДГИРИИ СИМКОРТҲО МУҲЛАТИ КАМ МОНД

ҲИСОР. ДАР АРАФАИ СОЛИ НАВ 217 СОКИНИ ШАҲР СОҲИБИ ЗАМИН ШУД

ДБССТ. ҲАМКОРИҲОИ БАЙНАЛМИЛАЛӢ ВУ-СЪАТИ ТОЗА МЕГИРАНД

Пешниҳоди Александр Лукашенко

Ҷаҳон дар як сатр

ҶИУ-ҶИТСУ

Таҳкими ҳамкориҳои Тоҷикистон ва Ӯзбекистон

ТЕННИС

БОХТАР. ҒОЛИБОНИ ОЗМУНҲО ҚАДР ШУДАНД

ФАЙЗОБОД. ШАРҲУ ТАВЗЕҲИ ПАЁМ

09.01.2023


ХОРУҒ. БО ДАСТУРИ РУСТАМИ ЭМОМАЛӢ ДАР МАҲАЛЛАИ ТИРЧИД КӮДАКИСТОН СОХТА МЕШАВАД

03.01.2023


«ВЗЛЁТ ПЕРЕД ЗАКАТОМ»


Дар сомонаҳои дигари Тоҷикистон хонед