logo

иқтисод

ДАСТУРИ ПРЕЗИДЕНТ САМАР ОВАРД. «САНОАТСОДИРОТБОНК» БА СОҲИБКОРОН ҚАРЗҲОИ ИМТИЁЗНОК МЕДИҲАД

Сарвари давлат Эмомалӣ Раҳмон 26 декабри соли 2019 зимни ироаи Паём ба Маҷлиси Олии кишвар ба хотири рушди  истеҳсолоти ватанӣ ва тақвияти иқтидори содиротии мамлакат ба масъалаи дастгирии соҳибкорон таваҷҷуҳ зоҳир намуда, чунин таъкид намуда буданд:

«Ба Ҳукумати мамлакат супориш дода мешавад, ки барои дастгирии соҳибкории хурду миёна, махсусан дар соҳаҳои истеҳсолӣ  ва содироткунандагони ватанӣ ҷиҳати иҷрои вазифаҳои Фонди дастгирии соҳибкорӣ бонк таъсис диҳад. Ҳамзамон бо ин, зарур аст, ки барои фаъолияти самарабахши қарздиҳии ин бонк ҷудо кардани маблағ аз буҷети давлат ҳамасола зиёд карда шавад». 

Дар асоси ин дастури Президенти кишвар ва Қарори Ҳукумати Ҷумҳурии Тоҷикистон таҳти рақами 390 аз 25 июни соли 2020 муассисаи давлатии "Фонди дастгирии соҳибкории назди Ҳукумати Ҷумҳурии Тоҷикистон" ба Корхонаи воҳиди давлатии бонки саноатию содиротии Тоҷикистон “Саноатсодиротбонк”  табдил дода шуд. Чанде пеш КВД БССТ  «Саноатсодиротбонк» ба фаъолият пардохт, ки барои дастгирии молиявии соҳибкорони истеҳсолӣ имкониятҳои васеътарро фароҳам меорад.  

- Рушди муттасили иқтисоди ҷумҳурӣ ба марҳалае расидааст, ки давлат ҷиҳати афзунгардонии истеҳсоли саноатӣ ва содирот ба эҷоди унсурҳои сохтории дастгирии давлатӣ иқдом пеш гирифтааст. Фаъолияти бонк, пеш аз ҳама, барои васеътар гардондани доираи дастгирии давлатии соҳибкорони истеҳсолӣ равона шудааст. Он бо мақсади амалисозии ҳадафҳои стратегии Ҳукумати ҷумҳурӣ  барои дастгирии самти соҳибкорӣ бо роҳи анҷом додани амалиёти бонкӣ, инчунин, бо мақсади гирифтани фоида фаъолияти худро ба роҳ мондааст.

Ҳадафи асосии бонк татбиқи сиёсати давлатӣ дар соҳаи дастгирии молиявӣ барои рушди иқтидори истеҳолӣ ҷиҳати  мусоидат ба содироти маҳсулоти саноатӣ ва воридотивазкунанда дар ҷумҳурӣ мебошад, - изҳор дошт Ҳокимшоҳ Бобозода, раиси раёсати КВД БССТ “Саноатсодиротбонк”.

Таъсиси бонки алоҳида ба хотири дастгирии молиявии истеҳсолкунандагони ватанӣ иқдоми саривақтиест, ки соҳибкорон бо истифода аз ин имконияти фароҳамгардида барномаю лоиҳаҳои худро мувофиқи талаботи бозор ва хостаҳои худ амалӣ менамоянд. Аммо бонки  навташкил, бештар кадом бахшҳоро афзал мешуморад? 

Ба гуфтаи Ҳокимшоҳ Бобозода, «Саноатсодиротбонк» бисёртар  ба соҳибкорони истеҳсолӣ ва содироткунанда қарзҳои имтиёзнок пешниҳод менамояд. Дар назар аст, ки қарзҳо ба соҳибкорон бо имтиёзҳои хеле зиёду фоизи паст ба муҳлати мувофиқ пешниҳод гарданд.

- Ин ташаббуси Пешвои миллат барои рушди ояндадори фаъолияти соҳибкорӣ нигаронда шудааст, бо ҳалли маҷмӯи масъалаҳои амнияти иқтисодӣ ва истиқлолияти давлати мо алоқаманд аст. Мо бо субъектҳои соҳибкорӣ сарфи назар аз шакли моликият ва намудҳои ташкилию ҳуқуқии онҳо кор мебарем. Фаъолияти соҳибкорӣ ва корхонаҳои истеҳсоли молу маҳсулоти содиротии ватаниро дар асоси пешниҳоди нақшаи тиҷоратии мукаммал маблағгузорӣ менамоем.  “Саноатсодиротбонк” метавонад ба шахсони воқеӣ ва ҳуқуқӣ қарзҳоро дар соҳаҳои тиҷорат, хизматрасонӣ, сохтмон, савдо ва дигар соҳаҳо, бо мақсадҳои тиҷоратӣ ва истеъмолию ипотекӣ пешниҳод намояд. Бонк ҳамчун низоми пиёдакунандаи сиёсати пулию қарзии Ҳукумати кишвар дар ҷумҳурӣ  бонки дуюми давлатӣ ба ҳисоб рафта,  фаъолияташро дар самти дастгирии соҳибкорони ватанӣ ва табақаҳои гуногуни кишвар таҳти шиори “Ҳадафи мо муваффақияти мизоҷонамон” роҳандозӣ намудааст. Ҷалби пасандозҳо ва пешниҳоди қарзҳову дигар хизматрасониҳо бо назардошти шароити бозор дар асоси ҳадафҳои созанда  пешниҳод мегарданд. Зеро пул ҳам мол аст, вале  арзиши он  бо фоиз ифода меёбад. Ҳамзамон, мо дар асоси дастуру супоришҳои Пешвои муаззами миллат тасмим гирифтаем, ҷиҳати беҳтар намудани шароити шуғл барои занон, шахсони маъюбу имконияташон маҳдуд, маҳсулоти бонкиро бо  имтиёзҳои махсус роҳандозӣ намоем, - гуфт номбурда. 

Роҳбарияти бонки навташкил дар асоси дастуру ҳидоятҳои Пешвои миллат ҷиҳати тавсеаи фаъолияти худ дар  самти таъйиноти кадрӣ, пеш аз ҳама, ба кормандони  ҷавон такя намудааст. 

Тавре раиси бонк Ҳокимшоҳ Бобозода зикр намуд, масъалаи омодасозии кадрҳои ҷавон  ва ҷобаҷогузории  онҳо дар ҳамаи зинаҳои фаъолияти соҳа дар сархати фаъ-олият қарор гирифтааст. Бовар аст, ки “Саноатсодиротбонк” тайи  муддати кӯтоҳ мавқеи худро ҳамчун як ташкилоти молиявии сармоягузор миёни соҳибкорони ватании истеҳсолкунандаи молу маҳсулоти воридот-ивазкунанда ва ба содирот нигарондашуда пайдо намуда, дар пешрафти иқтисодиёти мамлакат, бо роҳи дастгирии соҳаҳои саноату содирот саҳми бузург мегузорад. 

 

Ташрифулло САЪДУЛЛОЕВ, “Ҷумҳурият”


Баёни ақида (0)    Санаи нашр: 18.01.2021    №: 11    Мутолиа карданд: 758
31.01.2023


ДАВЛАТАЛӢ САИД ДАР ШАҲРИ КӮЛОБ

АЗ НИШАСТҲОИ МАТБУОТӢ

ВАО: “Теъдоди қурбониёни ҳамлаи террористи маргталаб дар Пешовар ба 72 нафар расид”

Ҷаҳон дар як сатр

ТАҶЛИЛИ БОШУКӮҲИ САДА ДАР ХАТЛОН

НАМОЯНДАИ ШИРКАТИ CNPC ДАР ХАТЛОН

ХАТЛОН. БАРДОШТИ ИХТИСОСӢ АЗ ҶАЛАСАИ НАЗОРАТӢ

СОЗМОНИ ҲАМКОРИИ ИҚТИСОДӢ. ТОҶИКИСТОН ДАР ТАҲКИМИ ФАЪОЛИЯТИ СОЗМОН НАҚШИ МУАССИР ДОРАД

27.01.2023


БМТ. ПАЁМ САРМАШҚИ ФАЪОЛИЯТ ХОҲАД БУД

25.01.2023


Вохӯрии вазирони корҳои хориҷии Тоҷикистон ва Ӯзбекистон

ТАЪСИСИ АВВАЛИН МАРКАЗИ ҒИЗОИ МАКТАБӢ

МУЛОҚОТ БО САФИРИ ҚАЗОҚИСТОН

23.01.2023


Ҷаҳон дар як сатр

14 май дар Туркия интихоботи президентӣ баргузор мешавад

«САЪБА»

17.01.2023


САМАРАНОКИИ ФАЪОЛИЯТ ВА ШАФФОФИЯТ

Мулоқоти Имангали Тасмагамбетов бо Сергей Поспелов

Игор Черевченко – сармураббии “Истиқлол”

16.01.2023


БОЗИҲОИ ОЛИМПӢ-2024

13.01.2023


ШАМЪИ ХОТИРА

11.01.2023


Муроҷиатномаи Раиси шаҳри Душанбе ба сокинони пойтахт

Санаи муҳорибаи аввалини Нурулло дар UFC аниқ шуд

ХОРУҒ. ҶАЛАСАИ ҶАМЪБАСТИ ФАЪОЛИЯТИ СОЛОНА

10.01.2023


БА АЗНАВБАҚАЙДГИРИИ СИМКОРТҲО МУҲЛАТИ КАМ МОНД

ҲИСОР. ДАР АРАФАИ СОЛИ НАВ 217 СОКИНИ ШАҲР СОҲИБИ ЗАМИН ШУД

ДБССТ. ҲАМКОРИҲОИ БАЙНАЛМИЛАЛӢ ВУ-СЪАТИ ТОЗА МЕГИРАНД

Пешниҳоди Александр Лукашенко

Ҷаҳон дар як сатр

ҶИУ-ҶИТСУ

Таҳкими ҳамкориҳои Тоҷикистон ва Ӯзбекистон

ТЕННИС

БОХТАР. ҒОЛИБОНИ ОЗМУНҲО ҚАДР ШУДАНД

ФАЙЗОБОД. ШАРҲУ ТАВЗЕҲИ ПАЁМ

09.01.2023


ХОРУҒ. БО ДАСТУРИ РУСТАМИ ЭМОМАЛӢ ДАР МАҲАЛЛАИ ТИРЧИД КӮДАКИСТОН СОХТА МЕШАВАД

03.01.2023


«ВЗЛЁТ ПЕРЕД ЗАКАТОМ»


Дар сомонаҳои дигари Тоҷикистон хонед