logo

қонунҳои ҶТ

ҚОНУНИ ҶУМҲУРИИ ТОҶИКИСТОН ОИД БА ВОРИД НАМУДАНИ ТАҒЙИРУ ИЛОВАҲО БА ҚОНУНИ ҶУМҲУРИИ ТОҶИКИСТОН «ДАР БОРАИ ЗАМИНСОЗӢ»

 
Моддаи 1. Ба Қонуни Ҷумҳурии Тоҷикистон «Дар бораи заминсозӣ» аз 5 январи соли 2008  (Ахбори Маҷлиси Олии Ҷумҳурии Тоҷикистон, с. 2008, №1, қ. 2, мод. 21; с. 2016, №7, мод. 621) тағйиру иловаҳои зерин ворид карда шаванд:
1. Дар моддаи 1:
- дар сархати якум калимаҳои «манзараҳои табиат» ба калимаҳои «манзараҳои табиӣ» иваз карда шаванд;
- сархатҳои чорум ва ҳабдаҳум хориҷ карда шаванд;
- дар сархатҳои панҷум ва ҳаштум калимаи «қаламрави» ба калимаи «ҳудуди» иваз карда шавад;
- сархати ҳафтум дар таҳрири зерин ифода карда шавад:
«- объектҳои заминсозӣ – ҳудуди воҳидҳои маъмурию ҳудудӣ,  маҳалҳои аҳолинишин, ҳудуди заминистифодабарӣ, қитъаи замин ва қисмҳои онҳо»;
- дар сархати ёздаҳум калимаи «шудааст» ба калимаи «мешаванд» иваз карда шавад; 
- аз сархати понздаҳум калимаи «(консерватсия)» хориҷ карда шавад;
- сархати шонздаҳум дар таҳрири зерин ифода карда шавад:
«- барқарорсозии замин – маҷмӯи чорабиниҳое, ки барои барқарор кардани қабати ҳосилхези хок амалӣ карда мешаванд;».
2. Дар сархати даҳуми моддаи 1, сархатҳои нуҳум ва даҳуми моддаи 3, сархати дуюми қисми якуми моддаи 5, қисми якуми моддаи 24 ва сархати сеюми қисми дуюми моддаи 30 калимаҳои «воҳидҳои марзиву маъмурӣ» ба калимаҳои «воҳидҳои маъмурию ҳудудӣ» иваз карда шаванд.
3. Аз матни моддаи 2 калимаи «(Сарқонуни)» хориҷ карда шавад.
4. Сархати дуюми моддаи 3 хориҷ карда шавад.
5. Моддаи 4 дар таҳрири зерин ифода карда шавад:
«Моддаи 4. Принсипҳои заминсозӣ
Заминсозӣ ба принсипҳои зерин асос меёбад:
- таъмини заминистифодабарии устувор;
- мувофиқати манфиатҳои иқтисодӣ ва ҳифзи муҳити зист;
- афзалият додан ба заминистифодабарии кишоварзӣ;
- самаранокии иқтисодӣ, иҷтимоӣ ва экологии ташкили ҳудудҳо;
- муҳайё сохтани шароит барои шаклҳои гуногуни хоҷагидорӣ;
- таъмини яклухтии қитъаҳои замин ҳангоми ташкили заминистифодабарии нав;
- ошкорбаёнӣ дар гузаронидан ва ташвиқи чорабиниҳои заминсозӣ.».
6. Дар моддаи 5:
- номи модда дар таҳрири зерин ифода карда шавад:
«Моддаи 5. Мақсад ва вазифаҳои заминсозӣ»;
- қисми якум бо мазмуни зерин илова карда шавад:
«Мақсади заминсозӣ аз таъмини истифодаи пурра, оқилона ва самараноки замин, фароҳам овардани шароити мусоиди экологӣ ва беҳдошти манзараҳои табиӣ иборат мебошад.».
7. Дар моддаи 10 калимаи «хеш» ба калимаи «худ» иваз карда шавад.
8. Дар моддаи 16:
- дар қисми якум калимаи «равона» ба калимаи «амалӣ» иваз карда шавад;
- дар қисми дуюм калимаи «мегирад» ба калимаи «мегиранд» иваз карда шавад.
9. Дар қисми дуюми моддаи 18 калимаҳои «гузаронидани рекултиватсияи» ва «консерватсия,» мувофиқан ба калимаҳои «барқарорсозии» ва «боздоштан ва ё» иваз карда шаванд.
10. Дар моддаи 19:
- дар қисми чорум қалимаи «қаламрави» ба калимаи «ҳудуди» иваз карда шавад;
- дар қисми панҷум калимаҳои «ҳудуди воҳидҳои алоҳидаи марзиву маъмурӣ ё» ба калимаҳои «воҳидҳои маъмурию ҳудудӣ ва» иваз карда шаванд.
11. Дар қисми дуюми моддаи 20 калимаи «геоботаникаи» ба калимаҳои «маълумоти геоботаникии» иваз карда шавад.
12. Дар қисми дуюми моддаи 21 калимаҳои  «, дигар соҳаҳо пешбинӣ карда» ва «қаламравии» мувофиқан ва калимаҳои «ва соҳаҳои дигарро пешбинӣ намуда,» ва «ҳудудии» иваз карда шаванд.
13. Дар моддаи 22:
- дар матни модда калимаи «амалҳои» ба калимаҳои «амалигардонии чораҳои» иваз карда шавад;
- сархати панҷум дар таҳрири зерин ифода карда шавад: 
«- вобаста ба масоҳат ва андозаи заминҳо шинондани ниҳолҳои муҳофизаткунанда ҷиҳати ҳифз аз бодлесшавӣ;»;
- дар сархати шашум калимаҳои «эрозияи обӣ» ба калимаи «шусташавӣ» иваз карда шаванд.
14. Дар қисми дуюми моддаи 23 калимаҳои «мақомоти меъморӣ, заминсозӣ, назорати давлатӣ оид ба истифода ва ҳифзи табиат, дигар мақомоти шаҳрсозӣ» ба калимаҳои «мақоми ваколатдори давлатии  батанзимдарории муносибатҳои вобаста ба замин, мақоми ваколатдори давлатӣ дар соҳаи ҳифзи муҳити зист, мақоми ваколатдори давлатӣ дар соҳаи меъморӣ ва шаҳрсозӣ» иваз карда шаванд.
15. Аз сархати якуми моддаи 25 калимаҳои «ҳангоми хурду калон кардани онҳо» хориҷ карда шаванд. 
16. Дар моддаи 28:
- дар қисми дуюм калимаҳои «манзараҳои табиат» ба калимаҳои «манзараҳои табиӣ» иваз карда шаванд;
- дар сархати дуюми қисми сеюм калимаҳои «эрозияи шамолӣ ва обӣ» ба калимаҳои «бодлесшавӣ ва шусташавӣ» иваз карда шаванд.
17. Дар моддаи 30:
- дар қисми якум калимаҳои «аз онҳо» ба калимаҳои «дар заминаи онҳо» иваз карда шаванд;
- дар сархати шашуми қисми дуюм калимаҳои «рекултиватсияи» ва «эрозияи шамолӣ ва обӣ» мувофиқан ба калимаҳои «барқарорсозии» ва «бодлесшавӣ ва шусташавӣ» иваз карда шаванд.
Моддаи 2. Қонуни мазкур пас аз интишори расмӣ мавриди амал қарор дода шавад.
 
Президенти 
Ҷумҳурии Тоҷикистон Эмомалӣ РАҲМОН
ш. Душанбе, 29 январи соли 2021, № 1760
 
Қарори Маҷлиси намояндагони Маҷлиси Олии Ҷумҳурии Тоҷикистон
Дар бораи қабул кардани Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи заминсозӣ»
Мутобиқи моддаи 60 Конститутсияи Ҷумҳурии Тоҷикистон Маҷлиси намояндагони Маҷлиси Олии Ҷумҳурии Тоҷикистон                  қарор мекунад:
Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи заминсозӣ» қабул карда шавад.
 
Раиси Маҷлиси намояндагони Маҷлиси 
Олии Ҷумҳурии Тоҷикистон М. ЗОКИРЗОДА
ш. Душанбе, 16 декабри соли 2020, № 269
 
Қарори Маҷлиси миллии Маҷлиси Олии
Ҷумҳурии Тоҷикистон
Дар бораи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи заминсозӣ»
Мутобиқи моддаи 60 Конститутсияи Ҷумҳурии Тоҷикистон,               моддаи 59 Қонуни конститутсионии Ҷумҳурии Тоҷикистон «Дар бораи Маҷлиси Олии Ҷумҳурии Тоҷикистон» Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи заминсозӣ»-ро баррасӣ намуда, қарор мекунад:
Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи заминсозӣ» ҷонибдорӣ карда шавад.
 
Раиси Маҷлиси миллии Маҷлиси 
Олии Ҷумҳурии Тоҷикистон                           Рустами ЭМОМАЛӢ
ш. Душанбе, 25 январи соли 2021, № 120

 


Баёни ақида (0)    Санаи нашр: 02.02.2021    №: 22 - 23    Мутолиа карданд: 1561
31.01.2023


ДАВЛАТАЛӢ САИД ДАР ШАҲРИ КӮЛОБ

АЗ НИШАСТҲОИ МАТБУОТӢ

ВАО: “Теъдоди қурбониёни ҳамлаи террористи маргталаб дар Пешовар ба 72 нафар расид”

Ҷаҳон дар як сатр

ТАҶЛИЛИ БОШУКӮҲИ САДА ДАР ХАТЛОН

НАМОЯНДАИ ШИРКАТИ CNPC ДАР ХАТЛОН

ХАТЛОН. БАРДОШТИ ИХТИСОСӢ АЗ ҶАЛАСАИ НАЗОРАТӢ

СОЗМОНИ ҲАМКОРИИ ИҚТИСОДӢ. ТОҶИКИСТОН ДАР ТАҲКИМИ ФАЪОЛИЯТИ СОЗМОН НАҚШИ МУАССИР ДОРАД

27.01.2023


БМТ. ПАЁМ САРМАШҚИ ФАЪОЛИЯТ ХОҲАД БУД

25.01.2023


Вохӯрии вазирони корҳои хориҷии Тоҷикистон ва Ӯзбекистон

ТАЪСИСИ АВВАЛИН МАРКАЗИ ҒИЗОИ МАКТАБӢ

МУЛОҚОТ БО САФИРИ ҚАЗОҚИСТОН

23.01.2023


Ҷаҳон дар як сатр

14 май дар Туркия интихоботи президентӣ баргузор мешавад

«САЪБА»

17.01.2023


САМАРАНОКИИ ФАЪОЛИЯТ ВА ШАФФОФИЯТ

Мулоқоти Имангали Тасмагамбетов бо Сергей Поспелов

Игор Черевченко – сармураббии “Истиқлол”

16.01.2023


БОЗИҲОИ ОЛИМПӢ-2024

13.01.2023


ШАМЪИ ХОТИРА

11.01.2023


Муроҷиатномаи Раиси шаҳри Душанбе ба сокинони пойтахт

Санаи муҳорибаи аввалини Нурулло дар UFC аниқ шуд

ХОРУҒ. ҶАЛАСАИ ҶАМЪБАСТИ ФАЪОЛИЯТИ СОЛОНА

10.01.2023


БА АЗНАВБАҚАЙДГИРИИ СИМКОРТҲО МУҲЛАТИ КАМ МОНД

ҲИСОР. ДАР АРАФАИ СОЛИ НАВ 217 СОКИНИ ШАҲР СОҲИБИ ЗАМИН ШУД

ДБССТ. ҲАМКОРИҲОИ БАЙНАЛМИЛАЛӢ ВУ-СЪАТИ ТОЗА МЕГИРАНД

Пешниҳоди Александр Лукашенко

Ҷаҳон дар як сатр

ҶИУ-ҶИТСУ

Таҳкими ҳамкориҳои Тоҷикистон ва Ӯзбекистон

ТЕННИС

БОХТАР. ҒОЛИБОНИ ОЗМУНҲО ҚАДР ШУДАНД

ФАЙЗОБОД. ШАРҲУ ТАВЗЕҲИ ПАЁМ

09.01.2023


ХОРУҒ. БО ДАСТУРИ РУСТАМИ ЭМОМАЛӢ ДАР МАҲАЛЛАИ ТИРЧИД КӮДАКИСТОН СОХТА МЕШАВАД

03.01.2023


«ВЗЛЁТ ПЕРЕД ЗАКАТОМ»


Дар сомонаҳои дигари Тоҷикистон хонед