барқияҳо
Барқияи ҳамдардии Президенти Тоҷикистон ба иҷрокунандаи вазифаи Президенти Лаҳистон
Президенти Ҷумҳурии Тоҷикистон Эмомалӣ Раҳмон 10 апрел ба иҷрокунандаи вазифаи Президенти Ҷумҳурии Лаҳистон Маршали Сейм ҷаноби Бронислав Коморовскӣ барқияи ҳамдардӣ фиристод. Дар он аз ҷумла гуфта мешавад:
«Ҷаноби аълоҳазрат, аз хабари фалокати ҳавопаймои Лаҳистон дар фазои Смоленск сахт андӯҳгин гардидам. Дар натиҷаи ин фалокат бештар аз 130 нафар, аз ҷумла Президенти Ҷумҳурии Лаҳистон Лех Качинскӣ, ҳамсари ӯ ва мансабдорони баландпояи давлат ҳалок гардиданд. Дар ин лаҳзаҳои пур аз ғаму андӯҳ аз номи тамоми мардуми Тоҷикистон ба роҳбарият ва халқи Лаҳистони ба мо дӯст, вобаста ба ин фалокати бузург ҳамдардии самимона изҳор намуда, аз Шумо хоҳиш дорам, ки ба аҳли оила ва хешу табори шахсони ҳалокшуда ҳамдардии моро расонед».
Дар ин бора ба АМИТ «Ховар» аз дафтари матбуоти Сарвари давлат хабар доданд.
Баёни ақида (0) Санаи нашр: №: Мутолиа карданд: 4197
