барқияҳо
Барқияи ҳамдардии Эмомалӣ раҳмон ба унвони Ху Сзинтао
Президенти Ҷумҳурии Тоҷикистон Эмомалӣ Раҳмон 14 апрели соли 2010 ба унвони раиси Ҷумҳурии Мардумии Чин Ху Сзинтао барқияи ҳамдардӣ фиристод. Дар он аз ҷумла гуфта мешавад:
«Ҷаноби раиси мӯҳтарам, хабари рух додани зилзилаи шадид дар баъзе минтақаҳои Ҷумҳурии Мардумии Чин дар Тоҷикистон сабаби сахт андӯҳгин гаштани ҳамагон шуд. Тавре ки маълум аст, ин фалокат сабаби харобиҳои зиёд ва қурбон гардидани шумораи зиёди одамон шудааст.
Дар ин лаҳзаҳои пур аз ғаму андӯҳ аз номи Ҳукумат ва халқи Ҷумҳурии Тоҷикистон ба Шумо ҳамдардии самимӣ изҳор намуда, хоҳишмандам ҳамдардии моро ба аҳли оила ва хешу табори шахсони ҳалокшуда ва осебдида расонед».
Дар ин бора аз дафтари матбуоти Сардори давлат ба АМИТ «Ховар» хабар доданд.
Баёни ақида (0) Санаи нашр: №: Мутолиа карданд: 4014