Бахшида ба Рӯзи Ваҳдати миллии Ҷумҳурии Тоҷикистон миёни кормандони Нашрияи расмии Ҷумҳурии Тоҷикистон – рӯзномаи «Ҷумҳурият» мусобиқа оид ба тенниси рӯи миз дар ду гурӯҳ - миёни бонувон ва мардон баргузор гардид.

Дар рафти нерусанҷиҳо миёни бонувон Гулнисои Саъдоншо бар рақибони худ пирӯз гардида, ғолиби мусобиқа шуд. Зинаҳои дуюму сеюмро мутаносибан Зулола Бобораҷабова ва Лола Ризоева касб карданд.

Дар қувваозмоиҳо байни мардон Сайфулло Ашуров ғолибият ба даст овард. Мақомҳои дуюму сеюмро Қурбоналӣ Раҳмонзода ва Фирӯз Ҷумаев соҳиб шуданд.

Инчунин, барои иштироки фаъолона ва бозии ҷолиб Қурбон Мадалиев, Даврон Раҳмонов, Маҳмуд Мирзоён, Муҳаммад Саидвалиев, Бузургмеҳр Салимов, Моҳира Сангмамадова, Фарзона Файзалиева, Нигина Раҳмонова, Гулистон Мавлоназарова ва Манзура Шамсова бо ифтихорномаву туҳфаҳои дигари ҳавасмандӣ қадр гаштанд.

Ғолибони мусобиқа дар баробари диплому ифтихорнома, инчунин, бо мукофотҳои пулӣ сарфароз шуданд. 

 

Маҳмуд БАҲРОМ, шореҳи варзиш,

суратгир Комрон САФАРОВ, “Ҷумҳурият”