Аз ҷониби раёсати Муассисаи давлатии “Тоҷикфилм” дар вилояти Хатлон ва мақомоти ҳифзи ҳуқуқ дар натиҷаи як рейди муштарак аз нуқтаҳои фурӯши маводи аудиовидеовизуалии шаҳру навоҳии вилоят 4 ҳазор диски пастсифат ва ғайристандартӣ мусодира ва дар ҳузури комиссияи босалоҳият, инчунин, намояндагони ВАО, сӯзонда нобуд шуд.

Ба иттилои Хуршед  Сафаров, сардори раёсати Муассисаи давлатии «Тоҷик-филм” дар вилоят, нисбат ба вайронкунандагони қонун, дар маҷмӯъ 65 санад, аз ҷумла нисбат ба 40 соҳибкор мавод тартиб дода шуда, барои чораҷӯӣ ба мақомоти дахлдор ирсол гардид. 25 нафар бо сабаби бори аввал ба қонунвайронкунӣ даст задан огоҳӣ гирифтанд.

 

Зокир ҲАСАН, “Ҷумҳурият”