Мусовии "Истиқлол" ва ғалабаи "Хуҷанд"

Дар бозии марказии даври 11-ум Чемпионати Тоҷикистон оид ба футбол миёни дастаҳои Лигаи олӣ «Истиқлол» бо тими «Равшан» мусовӣ (1:1) кард.

Тибқи иттилои Лигаи футболи кишвар, «Хуҷанд» бар «Эсхата» бо ҳисоби 5:1 ғалаба намуда, ба садри ҷадвали чемпионат баромад. 

Натиҷаи бозиҳои дигар: КМВА – «Кӯктош» – 2:2, «Хатлон» – «Истаравшан» – 0:0 ва «Душанбе» – «Файзканд» – 1:1. 

Бозиҳои даври навбатии Лигаи олӣ 3 – 4 июл баргузор гардида, «Истаравшан» бо «Душанбе», «Кӯктош» бо «Хатлон», «Истиқлол» бо «Эсхата», «Файзканд» бо «Хуҷанд» ва «Равшан» бо КМВА рақобат мекунанд. 

 

ГӮШТИНГИРӢ

Шоҳҷоизаҳо насиби паҳлавонони тоҷик гаштанд

 

Бахшида ба Рӯзи Ваҳдати миллӣ дар Муассисаи давлатии «Наврӯзгоҳ»-и шаҳри Душанбе мусобиқаи байналмилалӣ оид ба гӯштингирӣ баргузор шуд. Дар мусобиқа дар баробари паҳлавонони Тоҷикистон, варзишгарон аз Ӯзбекистон, Қазоқистон, Қирғизистон, Россия, Эрон, Озарбойҷон ва Кувайт ширкат доштанд.  

Паҳлавонони тоҷик дар мусобиқа фаъолона иштирок намуда, дар ҳар чор вазн (-65 кг, -75 кг, -90 кг, +90 кг) соҳиби зинаи аввал ва шоҳҷоиза – автомобил гардиданд. 

Ғолибиятро Ориф Додов, Муҳаммадшариф Наҷмиддинов, Ҷаҳонгир Маҷидов ва Темур Раҳимов ба даст оварданд. 

 

Маҳмуд БАҲРОМ, 

шореҳи варзиш