Дар Вазорати молияи ҷумҳурӣ созишномаҳои маблағгузории лоиҳаҳои «Навкунии низоми миллии омор», «Мукаммалгардонии идоракунии молияи давлатӣ, марҳилаи 2 (маблағгузории иловагӣ)», «Электрификатсияи деҳот (маблағгузории иловагӣ)», «Барномаи мутобиқшавӣ ба тағйирёбии иқлим ва кам кардани таъсири он дар ҳавзаи баҳри Арал» дар доираи ҳамкории Ҳукумати Ҷумҳурии Тоҷикистон ва Бонки ҷаҳонӣ ба имзо расиданд.

 

Тибқи иттилои Вазорати молия, созишномаи Лоиҳаи «Навкунии низоми миллии омор» ба маблағи 10 миллион доллари амрикоии грантӣ ба имзо расид. Маблағи Лоиҳаи «Мукаммалгардонии идоракунии молияи давлатӣ, марҳилаи 2 (маблағгузории иловагӣ)» 6 миллион доллари амрикоии грантӣ ва Лоиҳаи «Электрификатсияи деҳот (маблағгузории иловагӣ)» 10 миллион доллари амрикоии грантӣ мебошад.

Маблағгузории иловагӣ аз ҳисоби маблағҳои грантии Фонди иқлими сабз барои Лоиҳаи «Барномаи мутобиқшавӣ ба тағйирёбии иқлим ва кам кардани таъсири он дар ҳавзаи баҳри Арал» 9 миллион доллар аст. 

АМИТ "Ховар"