БОКС 

Киҳо дар БВТ – 2021 ғолиб омаданд?

Дар доираи Бозиҳои варзишии Тоҷикистон – 2021 дар шаҳри Душанбе мусобиқа оид ба бокс бо ширкати 128 варзишгар (8 даста –  Душанбе – 1, Душанбе - 2, Хатлон - 1, Хатлон – 2, Суғд - 1, Суғд - 2, ВМКБ ва ШНТҶ) баргузор гашт.

Мусобиқа аз рӯи 20 вазн (10 вазн миёни мардҳо, 10 вазн миёни бонувон) сурат гирифт. 

Ғолибиятро миёни бонувон Ҳусния Холова, Насиба Шарифзода, Малика Нозимова, Меҳриноз Музаффарзода, Шаҳноза Давлат (Хатлон – 2), Руҳафзо Ҳақназарова, Миҷгона Самадова, Нилуфар Бобоёрова, Мавлуда Одинаева (Душанбе – 1) ва Шоира Зулқайнарова (Душанбе – 2) ба даст оварданд.

Байни мардон Ганҷибек Шобдулояев (ВМКБ), Акбаралӣ Абдураҳмонзода (Душанбе-2), Бахтовар Сагизов (Хатлон-2), Элчибек Ниёзмамадов, Баҳодур Усмонов, Саидикром Амонов, Некрӯз Салимов, Парвиз Каримов (Душанбе – 1), Абдумалик Болтаев (ШНТҶ)  ва Ҷаҳон Қурбонов (Суғд – 1) пирӯз гардиданд.

 

ЛИГАИ ОЛӢ

Пирӯзии "Истиқлол" 

Дар бозии мавқуфмондаи даври 2-юми Чемпионати Тоҷикистон оид ба футбол миёни дастаҳои Лигаи олӣ тими «Истиқлол» бар «Душанбе» бо ҳисоби бузурги 5:0 ғолиб омад. 

Ба иттилои Лигаи футболи Тоҷикистон, голҳоро Изатулло Рӯзиев (худгол), Рустам Соиров, Манучеҳр Ҷалилов, Зоир Ҷӯрабоев ва Ваҳдат Ҳанонов заданд.

Баъд аз ин бозӣ «Истиқлол» бо 14 хол ба ҷои чоруми ҷадвали чемпионат баромад. 

 

Маҳмуд БАҲРОМ, 

шореҳи варзиш