Хабарҳо
Тавсияи диетолог ба сироятшудагони коронавирус
mk.ru. Раҳбари илмии Маркази таҳқиқоти федералии ғизо, биотехнология ва бехатарӣ, академики Академияи илмҳои Россия Виктор Тутелян дар суҳбат бо рӯзноманигорон оид ба истеъмоли ғизо барои шаҳрвандоне, ки ба коронавирус сироят ёфтаанд, тавсия дод.
Ба гуфтаи ӯ, ҳангоми табобат аз сирояти коронавирус дар марҳалаи барқароршавӣ баъд аз беморӣ истеъмоли гӯштро кам карда, ба ҷои он аз моҳӣ ва маҳсулоти ширӣ истифода баранд. «Барои синтези потан сафедаи комил лозим аст. Аммо набояд аз маҳсулоти мушкилҳазмшаванда, мисли гӯшт, хусусан бирён истифода кард. Моҳӣ ва маҳсулоти ширӣ ба осонӣ ҳазм мешаванд ва аз рӯи сафеданокӣ баробаранд», - гуфт Тутелян.
Воҳидҳои махсуси британияӣ дар Афғонистон боқӣ хоҳанд монд
ТАСС. Пас аз анҷоми хориҷшавии қисми асосии низомиёни Британияи Кабир аз Афғонистон гурӯҳи на чандон калони воҳидҳои махсуси қувваҳои ин кишвар боқӣ хоҳанд монд. Дар ин хусус рӯзномаи «Daily Telegraph» бо истинод ба гуфтаи собиқ хизматчии ҳарбии Хадамоти махсуси десанти ҳавоии британияӣ хабар додааст.
Тибқи гуфтаи ӯ, хизматчиёнии ҳарбӣ аз Хадамоти махсуси десантӣ дар Афғонистон ба ҳайси «гурӯҳи мушовирон» ҷиҳати омӯзиши низомиёни афғонӣ хоҳанд монд. Манбаи нашрия, ҳамчунин, гуфтааст, ки муддати то кадом муҳлат дар кишвар истифодаи воҳидҳои махсуси британӣ ҳанӯз муайян нашудааст. Дар ин маврид рӯзҳои наздик Сарвазири Британияи Кабир Борис Ҷонсон тасмими қатъӣ хоҳад гирифт.
Изҳороти Байден дар Рӯзи истиқлолият
ТАСС. «Гарчанде ки бар вирус ғолиб наомадаем, мо медонем, ки он дигар ҳаёти моро зери назорат қарор дода наметавонад ва аз ин пас кишварамонро фалаҷ нахоҳад кард. Ва ин вобаста аст ба қудрати мо, то дигар ҳеҷ гоҳ роҳ надиҳем, ки он таъсиргузор бошад», - иброз дошт Байден.
«Муассисаҳо кушода ва боз кормандони зиёде иҷора гирифта мешаванд. Мо афзоиши бесобиқаи шумораи ҷойҳои нави корӣ ва иқтисодиро мебинем. Ин беҳтар аз чор даҳсолаи қаблӣ мебошад ва ман ба ин боз илова менамоям, ки он ҳамчунин дар ҷаҳон беҳтарин маҳсуб мегардад.
Баёни ақида (0) Санаи нашр: №: Мутолиа карданд: 795