Хабарҳо
Ҷаҳон дар як сатр
ТАСС. Президенти Россия Владимир Путин бо ҳамтои ӯзбекаш Шавкат Мирзиёев зимни суҳбати телефонӣ мушкилоти минтақавӣ, хусусан тезутундшавии вазъият дар Афғонистонро баррасӣ намуданд. Тавре хадамоти матбуоти Кремл хабар медиҳад, сарварони кишварҳо ба рушди стратегии шарикӣ ва иттифоқчигӣ баҳои баланд доданд.
Лента. ру. Беларус маҷмӯи чораҳоро дар ҷавоб ба таҳримоти Иттиҳоди Аврупо тартиб дод ва мумкин аст, ки онро дар вақтҳои наздик тасдиқ намояд. Дар ин бора Сарвазири кишвар Роман Головченко дар мусоҳиба бо шабакаи телевизионии «Беларус 1» иттилоъ дод.
Мир 24. ХФБ - и Россия силсилаи амалиёти террористиро дар Москва, Астрахан ва Кабардино - Балкария, ки аъзои якчанд ячейкаи дар кишвар мамнӯи «Давлати исломӣ» тарҳрезӣ карда буданд, пешгирӣ намуд. Дар натиҷа шаш ҷангӣ кушта ва ду нафар боздошт гардид.
Лента. ру. Суди Ҳонконг марди гирифтори бемории коронавирусро, ки қоидаи карантинро вайрон карда буд, се моҳ аз озодӣ маҳрум намуд. Дар ин хусус «The Standart» иттилоъ медиҳад.
Баёни ақида (0) Санаи нашр: №: Мутолиа карданд: 673