Хабарҳо
ФУТЗАЛ
Натиҷаи бозиҳои даври сеюми ЛКФ
Рақобати марказии даври сеюми Лигаи касбии футзали Тоҷикистон миёни тимҳои «Соро компания» ва «Сипар» мусовӣ (3:3) ба охир расид.
Тибқи иттилои департаменти футзали ФФТ, ду бозии дигари давр бо чунин натиҷа анҷом ёфт: «Истиқлол» – «Помир» – 2:2 ва «Самандар» – «Пойтахт» – 3:7.
Пас аз натиҷагирии се давр, «Соро комапния» ва «Сипар» бо 7-холӣ пешсафанд.
Дар даври чорум «Пойтахт» бо «Истиқлол», «Самандар» бо «Соро компания» ва «Помир» бо «Сипар» вомехӯранд.
БОЗИҲОИ ОЛИМПИИ ТОКИО – 2020
Шумораи иштирокчиён аз Тоҷикистон ба 11 нафар расид
Бар пояи раддабандии қоравии гурӯҳи махсуси Кумитаи байналмилалии олимпӣ оид ба бокс варзишгари тоҷик Сиёвуш Зуҳуров ба Бозиҳои олимпии Токио – 2020 (23 июл – 8 август, соли 2021) роҳхат гирифт.
Ҳамин тариқ, ҳайати олимпии Тоҷикистон ба 11 нафар расид: Баҳодур Усмонов, Шаббос Негматуллоев, Сиёвуш Зуҳуров (бокс), Гулсумбӣ Шарифова, Илдар Аҳмадиев (варзиши сабук), Сомон Маҳмадбеков, Акмал Муродов, Комроншоҳ Устопириён, Темур Раҳимов (дзюдо) ва Анастасия Тюрина, Олимҷон Ишанов (шиноварӣ).
ЛИГАИ ОЛӢ
Бурду бохти тимҳо дар даври 12-ум
Бозиҳои даври 12-уми Чемпионати Тоҷикистон оид ба футбол миёни дастаҳои Лигаи олӣ баргузор шуданд. Пешсафи ҷадвали чемпионат – «Хуҷанд» дар сафар тими «Файзканд»-ро бо ҳисоби 2:0 мағлуб намуд.
Дастаи «Истиқлол» ба “Эсхата” бо натиҷаи 5:1 ғолиб омад.
Натиҷаи бозиҳои боқимонда: “Равшан” – КМВА – 1:2, “Истаравшан” – “Душанбе” – 2:0 ва «Кӯктош» – «Хатлон» – 3:3.
Дар бозиҳои даври сенздаҳуми Лигаи олӣ, ки 10 – 11 июл сурат мегиранд, КМВА бо «Истиқлол», «Хатлон» бо «Равшан», «Хуҷанд» бо «Истаравшан», «Душанбе» бо «Кӯктош» ва «Эсхата» бо «Файзканд» қувваозмоӣ мекунанд.
Маҳмуд БАҲРОМ, шореҳи варзиш
Баёни ақида (0) Санаи нашр: №: Мутолиа карданд: 795