Хабарҳо
ЧЕМПИОНАТИ АФОМ – 2021
Тоҷикистон имкони қаҳрамон шуданро дорад, агар…
Дар даври дуюми Чемпионати Ассотсиатсияи футболи Осиёи Марказӣ – 2021 (Душанбе, Тоҷикистон) байни бонувони то 17-сола тими мунтахаби Тоҷикистон бар ҳамсолонашон аз Афғонистон бо ҳисоби калони 5:2 ғолиб омаданд.
Бар пояи иттилои ФФТ, дар бозии дигар дастаи Ӯзбекистон тими Эронро бо натиҷаи 2:0 шикаст дод.
Пас аз ду давр мунтахабҳои Тоҷикистон ва Ӯзбекистон бо 4 - холӣ дар садри ҷадваланд.
Дар даври ниҳоӣ, ки имрӯз баргузор мегардад, Ӯзбекистон бо Афғонистон ва Тоҷикистон бо Эрон қувваозмоӣ мекунанд.
ЧЕМПИОНАТИ АВРУПО
Италия дар финал
Тими мунтахаби Италия дар даври нимниҳоии Чемпионати Аврупо оид ба футбол бар дастаи Испания пирӯз гардида, ба финал роҳ ёфт.
Бозии мунтахабҳо дар вақти асосӣ бо ҳисоби 1:1 ба анҷом расид. Дар ду қисми иловагӣ ҳам ғолиб муайян нагардид. Дар силсилазарбаҳои 11-метра тими Италия бо натиҷаи 4:2 ғалаба кард.
Барои гирифтани роҳхат ба бозии финалӣ Англия бо Дания зӯрозмоӣ мекунад.
ҶОМИ АМРИКО
Бразилия – Аргентина финали орзуҳо
Мунтахабҳои Бразилия ва Аргентина пас аз шикаст додани рақибони худ дар даври нимниҳоӣ ба финали Ҷоми Амрико баромаданд.
Тибқи иттилои сомонаи ин мусобиқот, вохӯрии ҳалкунанда 11 июл дар варзишгоҳи машҳури Маракана (Бразилия) баргузор мегардад.
Маҳмуд БАҲРОМ, шореҳи варзиш
Баёни ақида (0) Санаи нашр: №: Мутолиа карданд: 1042