Хабарҳо
Ҷаҳон дар як сатр
ТАСС. Табибони чинӣ дар рафти ширкати ваксинагузаронии аҳолӣ беш аз 1, 33 миллиард ваксина бар зидди коронавирус гузаронданд. Дар ин хусус Кумитаи давлатӣ оид ба масъалаҳои беҳдоштӣ ва тандурустии ҶМЧ иттилоъ дод.
ТАСС. Президенти Россия Владимир Путин ба ҳукуматдорони минтақавӣ тавсия дод, ки ҳар сол ҳадди ақал як бор бо сокинон рӯ ба рӯ суҳбат намоянд. Сарвари давлат дастури дахлдорро зимни ҷамъбасти суҳбати мустақим бо сокинони кишвар баён кард.
Известия. Роҳбари хадамоти матбуоти Департаменти давлатии ИМА Нед Прайс дар нишасти матбуотӣ изҳор намуд, ки Вашингтон бо ҳамсояҳои Афғонистон ҳамкории зич менамояд, то ки онҳо дар банизомдарории вазъият дар кишвар нақши самарабахшро ба уҳда гиранд.
ТАСС. Қувваҳои мусаллаҳи Афғонистон 14 ноҳияи забтнамудаи ҷангиёни ҳаракати «Толибон» - ро таҳти назорати худ қарор доданд. Дар рафти задухӯрд аз ҷониби низомиёни ҳукуматӣ беш аз 2 ҳазор ҷангии «Толибон» кушта шуда, 1,4 ҳазор нафар захм бардошт, - хабар додааст шабакаи телевизионии «Ariana News» бо истинод аз котиби матбуоти Қувваҳои мусаллаҳи Афғонистон генерал Аҷмал Умар Шинворӣ.
Баёни ақида (0) Санаи нашр: №: Мутолиа карданд: 874