ТАСС. Муносиботи Чин ва Россия давоми 20 соли гузашта ба таҳдид ва ситезаҷӯиҳои гуногун истодагарӣ намуда, сарфи назар аз тағйирёбии вазъияти байналмилалӣ бо боварӣ ба пеш ҳаракат карданд. Дар ин бора  вазири корҳои хориҷии Чин Ван И дар маҷлиси ботантана дар резеденсия давлатии "Дяоюйтай", ки бахшида ба 20 – солагии созишнома оид ба ҳамҷавории некӣ, дӯстӣ ва ҳамкориҳои ФР ва Чин бахшида шуда буд, баён намуд.

Бино ба гуфтаи Ван И, ҷонибҳо ҳамчун давлатҳои абарқудрат якдигарро эҳтиром ва дастгирӣ менамуданд. Ӯ, инчунин, зикр кард, ки ҳар ду кишвар ҳамеша роҳи пешгирифтаи рушди ҳамдигарро нек истиқбол мегирифтанд, дар ҳимояи манфиатҳои хеш ба якдигар ёрӣ мерасонданд ва дар шарикии стратегӣ ба ҳамдигар эътимоди беандоза доштанд. 

 

Намояндаи махсуси ИМА оид ба Афғонистон аз Ӯзбекистон боздид мекунад

CentralAsia (UZ). Хадамоти матбуоти Департаменти давлатии ИМА хабар медиҳад, ки намояндаи махсуси ИМА оид ба Афғонистон Залмай Халилзод ба Ӯзбекистон ташриф меорад.

Зикр мегардад, ки Залмай Халилзод дар конфронси байналмилалӣ оид ба ҳамбастагии минтақавӣ, ки бо ташаббуси Ҳукумати Ӯзбекистон  баргузор мегардад, иштирок менамояд. Ғайр аз ин, Залмай Халилзод фаъолияти ҳадафмандонаи дипломатӣ ва бадастовардани созишномаи сулҳ миёни Ҷумҳурии Исломии Афғонистон ва ҳаракати «Толибон»- ро идома медиҳад. Мувофиқи маълумот намояндаи махсуси ИМА оид ба Афғонистон аз Қатар ва Покистон низ боздид ба амал меорад.

 

 

Намози Иди Қурбон дар Москва бе иштироки намозгузорон баргузор мегардад

Известия. Намози Иди Қурбон танҳо дар масҷиди ҷомеи Москва бе иштироки намозгузорон баргузор мегардад. Онҳо хутбаро метавонанд тариқи формати видеоӣ шунаванд. Чунин қарорро 11 июл Шӯрои уламои идораи дини мусулмонони Россия баровард. 

«Мувофиқи тавсияи Роспотрепнадзор ва қарори ҳукумати Москва вобаста ба таҳдиди паҳншавии пандемияи коронавирус намози ид дар Москва танҳо дар масҷиди ҷомеъ бо иштироки имомҳо, муаззинон ва ҷонишинҳои муфтӣ баргузор мегардад», - гуфта мешавад дар хабар. Шӯро тавсия дод, ки дар дигар масҷидҳо ва созмонҳои динии мусулмонони маҳаллӣ намоз нагузоранд. Ба ҷои ин, намозро дар хонаҳо адо намуда, муҳити идонаро дар доираи оила ташкил намоянд. Хутбаи идонаро тавассути формати видеоӣ дар шабакаи телевизионии «Россия 1» метавон тамошо кард.

 

 

ИМА фишанги таъсир расондан ба толибонро ҳифз менамояд

Лента. ру. Намояндаи Пентагон Ҷон Кирби дар мусоҳиба ба  Fox News иттилоъ дод, ки ИМА пас аз хориҷ шудани низомиёнаш аз хоки Афғонистон  фишанги таъсир расондан ба вазъияти ин кишварро аз даст намедиҳад. 

Кирби зикр намуд, ки мавқеи ИМА оид ба масъалаи Афғонистон  чун пештара боқӣ  мемонад ва Амрико бо мақсади банизомдарории вазъи ин кишвар дар музокирот бо террористони ҳаракати «Толибон» иштирок  меварзад.