Хабарҳо
КРИШТИАНУ РОНАЛДУ СОҲИБИ "БУТСИИ ТИЛЛОӢ" ГАРДИД
Ҳамлагари тими миллии Португалия Криштиану Роналду бо панҷ гол ва як партофти натиҷаовар беҳтарин нишонзани Чемпионати Аврупо – 2020 эътироф шуда, соҳиби «Бутсии тиллоӣ» гардид.
Бо панҷ гол Патрик Шик (Чехия) «Бутсии нуқрагӣ»- ро ба даст овард. «Бутсии биринҷӣ» насиби бозигари фаронсавӣ Карим Бензема (4 гол) шуд.
ЧЕМПИОНАТИ АВРУПО – 2020. ОМОРҲОИ ҶОЛИБИ ИН МУСОБИҚОТ
142 гол. Бори аввал дар таърихи Чемпионати Аврупо (ЧА) ин миқдор тӯб ба самар расонда шуд.
11 автогол – рекорди чемпионат. Зеро, дар маҷмӯъ, дар тамоми чемпионатҳои қаблӣ ҳамагӣ 9 автогол сабт шуда буд.
14 гол. Криштиану Роналду беҳтарин нишонзан дар таърихи мусобиқот.
17 солу 246 рӯз. Каспер Козловский, нимҳимоятгари мунтахаби Лаҳистон, ҷавонтарин бозигар дар таърихи Чемпионати Аврупо.
45,5 метр. Маротибаи аввал аз ин масофа Патрик Шик дар таърихи Чемпионати Аврупо гол зад.
17 пеналти. Аз ин шумора 9-тоаш бо гол анҷом ёфта, 6-тоашро дарвозабонон баргардонданд ва дутои дигар хато рафт.
120+1 дақиқа. Артём Довбик (Украина) гол зад ва тимаш ба 1/4 - финал баромад. Бори аввал дар таърихи Чемпионати Аврупо дар ин дақиқа тӯби ғалабаовар ба самар расонда шуд.
Маҳмуд БАҲРОМ, шореҳи варзиш
Баёни ақида (0) Санаи нашр: №: Мутолиа карданд: 829