logo

иқтисод

СУҒД. БАРДОШТ АЗ НИМСОЛАИ АВВАЛ

Дар мақомоти иҷроияи ҳокимияти давлатии вилояти Суғд рушди иқтисодиву иҷтимоии хоҷагии халқи вилоят дар нимсолаи аввали соли равон мавриди баррасиву таҳлил қарор гирифт. 
 
Нахуст, муовини аввали раиси вилоят Хол Ҳайдар оид ба ин масъала гузориш дода, иброз дошт, ки давоми шаш моҳи соли ҷорӣ ба маблағи 8 миллиарду 976 миллион сомонӣ маҳсулоти саноатӣ истеҳсол гардид. Дар ин давра таваҷҷуҳи асосӣ ба истеҳсоли маҳсулоти воридотивазкунанда ва содиротӣ равона гашт. Масалан, моҳҳои январ – июни соли 2021 664,5 ҳазор тонна семент, 722,5 ҳазор тонна ангишт, 253,1 ҳазор тонна орд ва 1 ҳазору 955,3 тонна равғани рустанӣ истеҳсол шуд. 
Баъдан, раиси вилоят Раҷаббой Аҳмадзода сухан ронда, аз он изҳори нигаронӣ дошт, ки шаҳру навоҳии Панҷакент, Исфара, Конибодом, Ашт, Деваштич ва Шаҳристон дар ин давра на танҳо  афзоиши ҳаҷми истеҳсоли маҳсулотро таъмин карда натавонистанд, балки мутобиқ ба талаботи рӯз коргоҳҳои хурду миёна бунёд накардаанд. Ҳамчунин, тайи ин нимсола дар ҳудуди вилоят 121 корхонаи саноатӣ бинобар нарасидани ашёи хому маблағҳои гардишӣ, фарсуда шудани таҷҳизот, маҳдуд шудани бозорҳои анъанавии фурӯши маҳсулот ва ба рақобат тобовар набудан  аз фаъолият бозмонда, даҳҳо нафар бе ҷои кор ва сарчашмаи зиндагӣ монданд. 
Раиси вилоят аз комёбиҳо низ ёдовар шуда, гуфт, ки ба истиқболи Ҷашни 30-солагии Истиқлолияти давлатии Ҷумҳурии Тоҷикистон дар вилоят бунёди зиёда аз 300 корхонаву коргоҳи нави саноатӣ дар назар аст ва тибқи нақша имсол 120-тои онҳо бо 3027 ҷои нави кор ба истифода дода мешавад. Тӯли шаш моҳи соли равон бошад, 61 корхонаву коргоҳҳои нав бо 475 ҷойи нави корӣ ба фаъолият шурӯъ намуд. 
Тавре зикр гашт, Президенти мамлакат Эмомалӣ Раҳмон ҳангоми ҷаласаи фаъолони вилоят оид ба натиҷаҳои истеҳсолӣ дар семоҳаи аввали соли равон дар шаҳри Гулистон ба масъулони соҳаи саноати сабук супориш доданд, ки хонандагонро бо либосу пойафзоли мактабии истеҳсоли ватанӣ таъмин намоянд. Хурсандиовар аст, ки тадбирҳои дар ин ҷода андешидашуда самар оварданд.  Давоми шаш моҳи соли ҷорӣ  дар коргоҳҳои дӯзандагии вилоят 284 ҳазору 262 либоси мактабӣ дӯхта шудааст, ки нисбат ба ҳамин давраи соли қаблӣ 4,3 баробар зиёд аст. Ҳамчунин, бо саъю кӯшиши соҳибкорони маҳаллӣ 8 корхонаю коргоҳи пойафзолдӯзӣ ба фаъолият пардохта, моҳҳои январ – июни соли ҷорӣ 153,8 ҳазор ҷуфт пойпӯш истеҳсол гашт, ки нисбат ба ҳамин давраи соли гузашта 2,7 баробар беш мебошад.   
Чуноне зикр рафт, то Ҷашни 30-солагии Истиқлолияти давлатии Ҷумҳурии Тоҷикистон дар вилоят бунёд ва навсозии 7579 иншоот пешбинӣ гардидааст. Тайи солҳои 2018 – 2020 ва шаш моҳи соли равон дар шаҳру ноҳияҳои вилоят сохтмону барқароркунӣ ва таъмиру тармими 7192 иншоот ба итмом расид, ки 94,9 дарсади  нақшаро дар бар мегирад.  
Тавре маълум аст, дар низоми иқтисоди бозорӣ ҳамон ноҳия, шаҳр ё вилояте муваффақ мегардад, ки маҳсулоташро ба хориҷи кишвар  бештар содирот мекунад. Ин аз ҳадафҳои асосӣ ва афзалиятдошта дар фаъолияти Ҳукумати ҷумҳурӣ арзёбӣ мешавад. Бунёди корхонаҳои истеҳсолӣ дар заминаи технологияи навину нанотехнологӣ дар вилояти Суғд низ солҳои охир шароит фароҳам меоваранд, ки марҳила ба марҳила дар ин самт муваффақ шаванд.  Бояд гуфт, ки дар шаш моҳи соли равон ҳаҷми гардиши савдои хориҷии вилоят ба 1 миллиарду 25,5 миллион доллари ИМА расид. Содироти маҳсулот дар ин давра 275,9 миллион долларро ташкил намуд, ки нисбат ба ҳамин давраи соли сипаришуда 103,2 миллион доллар зиёд  мебошад. 
Яке аз омилҳои рушди иқтисодиёт ҷалби сармоягузориҳои мустақими ватаниву хориҷӣ мебошад. Баҳри фароҳам овардани муҳити мусоиди инвеститсионӣ моҳҳои январ-марти соли 2021 ба иқтисодиёти вилоят ба маблағи 79,5 миллион доллари ИМА сармоягузории ватанию хориҷӣ ҷалб гардид, ки  нисбат ба ҳамин давраи соли қаблӣ бештар аст. 
Дар охир Раҷаббой Аҳмадзода ҷиҳати тавсеаи корҳои созандагиву ободкорӣ бахшида ба Ҷашни 30-солагии Истиқлолияти давлатии Тоҷикистон, иҷрои саривақтии нақшаи андоз, ислоҳи камбудиву норасоиҳо дар соҳоти гуногуни хоҷагии халқ ба раисони шаҳру навоҳии вилоят дастурҳои мушаххас дод.
 
Ҷовиди АШТӢ, «Ҷумҳурият»


Баёни ақида (0)    Санаи нашр: 15.07.2021    №: 141    Мутолиа карданд: 1793
31.01.2023


ДАВЛАТАЛӢ САИД ДАР ШАҲРИ КӮЛОБ

АЗ НИШАСТҲОИ МАТБУОТӢ

ВАО: “Теъдоди қурбониёни ҳамлаи террористи маргталаб дар Пешовар ба 72 нафар расид”

Ҷаҳон дар як сатр

ТАҶЛИЛИ БОШУКӮҲИ САДА ДАР ХАТЛОН

НАМОЯНДАИ ШИРКАТИ CNPC ДАР ХАТЛОН

ХАТЛОН. БАРДОШТИ ИХТИСОСӢ АЗ ҶАЛАСАИ НАЗОРАТӢ

СОЗМОНИ ҲАМКОРИИ ИҚТИСОДӢ. ТОҶИКИСТОН ДАР ТАҲКИМИ ФАЪОЛИЯТИ СОЗМОН НАҚШИ МУАССИР ДОРАД

27.01.2023


БМТ. ПАЁМ САРМАШҚИ ФАЪОЛИЯТ ХОҲАД БУД

25.01.2023


Вохӯрии вазирони корҳои хориҷии Тоҷикистон ва Ӯзбекистон

ТАЪСИСИ АВВАЛИН МАРКАЗИ ҒИЗОИ МАКТАБӢ

МУЛОҚОТ БО САФИРИ ҚАЗОҚИСТОН

23.01.2023


Ҷаҳон дар як сатр

14 май дар Туркия интихоботи президентӣ баргузор мешавад

«САЪБА»

17.01.2023


САМАРАНОКИИ ФАЪОЛИЯТ ВА ШАФФОФИЯТ

Мулоқоти Имангали Тасмагамбетов бо Сергей Поспелов

Игор Черевченко – сармураббии “Истиқлол”

16.01.2023


БОЗИҲОИ ОЛИМПӢ-2024

13.01.2023


ШАМЪИ ХОТИРА

11.01.2023


Муроҷиатномаи Раиси шаҳри Душанбе ба сокинони пойтахт

Санаи муҳорибаи аввалини Нурулло дар UFC аниқ шуд

ХОРУҒ. ҶАЛАСАИ ҶАМЪБАСТИ ФАЪОЛИЯТИ СОЛОНА

10.01.2023


БА АЗНАВБАҚАЙДГИРИИ СИМКОРТҲО МУҲЛАТИ КАМ МОНД

ҲИСОР. ДАР АРАФАИ СОЛИ НАВ 217 СОКИНИ ШАҲР СОҲИБИ ЗАМИН ШУД

ДБССТ. ҲАМКОРИҲОИ БАЙНАЛМИЛАЛӢ ВУ-СЪАТИ ТОЗА МЕГИРАНД

Пешниҳоди Александр Лукашенко

Ҷаҳон дар як сатр

ҶИУ-ҶИТСУ

Таҳкими ҳамкориҳои Тоҷикистон ва Ӯзбекистон

ТЕННИС

БОХТАР. ҒОЛИБОНИ ОЗМУНҲО ҚАДР ШУДАНД

ФАЙЗОБОД. ШАРҲУ ТАВЗЕҲИ ПАЁМ

09.01.2023


ХОРУҒ. БО ДАСТУРИ РУСТАМИ ЭМОМАЛӢ ДАР МАҲАЛЛАИ ТИРЧИД КӮДАКИСТОН СОХТА МЕШАВАД

03.01.2023


«ВЗЛЁТ ПЕРЕД ЗАКАТОМ»


Дар сомонаҳои дигари Тоҷикистон хонед